Lburania 10:23 - Samburu

²³ Mikipal kilimu aaipidaki ilo siligi likijo ikiata, amu keisiligai ilo oichoo iyioo lekutuk.

Lburania 10:23 ပူးပေါင်းရင်းမြစ်များ

1 Lkorinto 1:9

Keisiligai Nkai naipotoka ntae nchula e nkerai enye Yeso Kristo, Laitoriani lang.

1 Lkorinto 10:13

Kore inia temata nitumo, taparru ajo ntemat ake naatiu nejia eimarita ltung'ana pooki. Naa keisiligai Nkai amu meicho ntae etum ntemat naalang nindimumu. Kore aitoki teneitemei ntae, naa keitibir Nkai nkoitiei nimpung'unyienyie taatua nenia temat payie itumtum aating'iria.

2 Lkorinto 9:13

Kore ana reto nintaitua naa keitodolu ajo kedede nkurukoto inchi, nerrep ꞉ninche Nkai amu imbung'a ntae Lomon Supati le Kristo litilimutua aajo irukurukorere. Kerrep sii aitoki ꞉ninche Nkai tankaraki ning'arierie ninche o lkulie pooki ntokitin inchi te leng'on.

1 Ltesalonike 5:24

Kore ilo oipoto ntae naa keisiligai, naa keas ninye.

2 Ltesalonike 3:3

Kake keisiligai Laitoriani, naa keitogol ntae, neirrita ntae te ilo torno.

Tito 1:2

Kore ana dedei naa keicho ninche siligi le nkichon ee ntarasi, le lekutuk oitayia apa ꞉Nkai ewuon apake eitu eitibiruni nkop, nemesapicho Nkai.

Lburania 11:11

Naa to nkurukoto apa etumo abaki Sara nkidimata natang'asunyie ichoi o Abraam abaki etaarrarra ninye oleng, nera sii olipi, amu keiruko ilo oitaka Abraam lekutuk.

Lburania 3:1

Naaku taa, lalachera o nkanachera ainien sinyat, niking'ar tenebo nkipototo e chumata, entaparrai naa Yeso oara lkipaaret oiriwua ꞉Nkai nera laitainoni kitok la lasar, ilo laa ninye kiruk nikimbalie.

Lburania 3:14

Amu ikiata sotua tenebo o Kristo, tinikimbung aaitirrichaki inia sipata nikiata apake tekue payie kiruk ninye, ana metabau nkiting'oto e nkop.

Lburania 3:6

Kore sii ilo Aitejeunoni apa oanyutae naa keisiligai te nkitachekinoto ee ltung'ana le Nkai, amu kera ninye Nkerai e Nkai. Naa ikira iyioo lolo tung'ana lenyena tinikimbung aaitirrichaki ilo siligi lang liking'idare nimikincho metigilata iyioo ltauja.

Lburania 4:14

Naaku kore amu ikiata Laitainoni kitok la lasar oiliepa aim keper ajing chumata, Yeso Kristo Nkerai e Nkai, maibung'a naa aitirrichaki inia kurukoto nikilimu aajo ikiata.

Lburania 6:18

Naaku kore aimu kuna baa are nemeibelekenya aikata naataasa Nkai, neitu taa esapicho Nkai, kore iyioo ooisigakita ninye, nikitum rreten kitok nikimbung'ie aaitirrichaki ele siligi otipikaki tekue iyioo.

Yakobo 1:6

Kake teneomonu, enchoo eomonu to nkurukoto meata hooyia lng'ach, amu kore loata lng'ach naa inji etuwuana ana laing'ok le mpaso ookutaa lkutati aya neyieu.

Mbolunoto 3:11

Kalotuta asieku, embung'a entirrichaki inia niatata, payie meatae loworu ntae nkopiyia inchi e nkisulata.