Lburania 10:20 - Samburu

²⁰ Kore lkiye le Yeso naa ninye nkoitiei ng'ejuk naichu nikijing'ie, aapachaki inie Ng'oji sinyati naaisul pooki,

Lburania 10:20 ပူးပေါင်းရင်းမြစ်များ

Matayo 27:51

Kore inia kata, nekija nochi anka naisiapaa nkutuk e Ng'oji Sinyati naaisul pooki ta nkaji e Nkai nkatitin are, ang'asu te keper ana meipung'o, neikirikiro nkop, nebaa ndadapo.

Marko 15:38

Kore nochi anka naor nkaji e Nkai, nekija nkatitin are, ang'asu te keper ana meipung'o.

Yoana 10:7

Neitoki Yeso ajoki ninche, <

Yoana 10:9

Kara nanu ltim. Kore pooki ng'ae ojing'u aimu nanu naa keitajeuni, newuon ta lakunoto, netum ng'oji nedaare.

Yoana 14:6

Nejoki ꞉Yeso, <

Epeso 2:15

aiting'ie Nkitanapat o lkerreti te sesen lenye to lmusalaba. Ketaasa ana payie etum aitai to lorere loo Lyiaudi o lkulie oreren lorere obo ng'ejuk to koon, neyau te inia oitiei sotua.

1 Timoti 3:16

Keng'amaa pooki ng'ae nchere kore neiko ꞉ltung'ani teneyanyit Nkai naa keisudoro, nera netipat oleng: /keibalunyieki ninye era ltung'ani, neibalunyie ꞉Ltau Sinyati ajo loosipat, nedol ꞉lmalaikani. Nelikori taatua loreren, neiruki to nkop, neiliepieki aaya nkitoo e chumata.

Lburania 6:19

Ikiata ele siligi laa ltauja lang errapa neisiligai, netuwuana lgiitani ooenikino senkei nkue naenieki meli payie meya nkare. Kore ilo siligi naa keuno to Ng'oji sinyati naaisul pooki, te idia alo inia anka naor apa ng'oji sinyati o ng'oji sinyati nalang pooki ta nkaji e Nkai,

Lburania 9:3

Kore teidialo nanka naor kulo gilat, netii lgilata oji Ng'oji Sinyati aisul pooki.

Lburania 9:8

Keitodolu Ltau Sinyati tene ajo, kore inie nejing'ieki Ng'oji Sinyati aisul pooki naa ewuon eitu ebolo ewuon ake eatae napa aji e Nkai musana.

1 Petero 3:18

Keitamaki naa Kristo sina nkata nabo tankaraki ng'ok, kera ninye loosipat netanang'a ltung'ana lamara loosipat, payie etum atirikoki iyioo Nkai. Ketua ninye te sesen kake neitipiuni ltau,

1 Yoana 4:2

Naa ana iyielounyienyie Ltau le Nkai: Kore ltau pooki oibalunyie ajo keyewuo Yeso Kristo era ltung'ani naa le Nkai,

2 Yoana 1:7

Amu ketijing'a lasapak kumo nkop lemeibalunyie aajo kore Yeso Kristo naa keyewuo era ltung'ani katukul oata sesen. Kore ilo naa lasapani nera loiba Kristo.