Lburania 10:12 - Samburu

¹² Kake nkata nabo ake eitayia Kristo koon aaku lasar loo ng'ok obik ntarasi, newuon ta nkaina e tetene e Nkai.

Lburania 10:12 ပူးပေါင်းရင်းမြစ်များ

Marko 16:19

Kore pee eidip Laitoriani Yeso airorie ninche, neyai aailiepie chumata. Newuon ta mbata e tetene e Nkai.

Rroman 8:34

Ng'ae odung'oki iyioo nkiguana torno? Meatae! Ketanang'a iyioo Kristo Yeso, naa mara ake inia, kake ninye sii eitipiwuaki too lootuata. Ninye owuenita ta nkaina e tetene e Nkai, naa ninye sii ilo oomonokita iyioo.

Epeso 5:2

Entewueni te nchaman ana natachama iyioo Kristo neitai koon anang iyioo aaku lasar orropili ta Nkai.

Lkolosae 3:1

Kore naa tankaraki keitipiwuaki ntae tenebo o Kristo, eng'oru naa nenia baa e keper, naatii neti Kristo, ewuenita ta nkaina e tetene e Nkai.

Lburania 1:3

Kore Nkerai e Nkai naa ninye naitelioo nkitoo e Nkai, netiu to mpukunoto enye ana ake netiu Nkai, naa ninye oibung'uta ntokitin pooki to ngolon kitok e rerei lenye. Kore payie eidip aitibira nkoitiei naitukorieki ltung'ana ng'ok, newuon ta nkaina e tetene e ilo Ooisul pooki.

Lburania 10:10

Naa kore te inia yieunoto enye, neitisinyaki iyioo te sesen le Yeso Kristo oataa lasar lang nkata nabo ake.

Lburania 10:14

Amu kore tankaraki nataa ninye lasar nkata nabo, neitaa lolo ooitaaki sinyat, ltung'ana lemeata ntioto ntarasi.

Lburania 5:1

Kore laitainoni kitok pooki la lasar naa taatua ltung'ana ake ootuwuana ninye egeluni, payie etum aitacheki ninche taa mbaa e Nkai, neichooyo nkichoorot o lasar le mpalikinoto ee ng'ok.

Lburania 5:3

Naa kore tankaraki inia, meata ajo meitai ninye lasar tankaraki ng'ok enyena o noo lkulie tung'ana sii.

Lburania 7:27

Meata tipat payie eitai ninye lasar mparri o mparri ana neiko apa laitainok la lasar oaang'as tekue aitai lasar tankaraki ng'ok enche payie etum taa aitai tankaraki lkulie tung'ana. Kake keitayia apa Yeso koon aaku lasar nkata ake nabo tankaraki ltung'ana pooki.

Lburania 8:1

Kore mbae e tipat ee kuna nikijeito naa ana: Ikiata laitainoni kitok la lasar otowuana te chumata te tetene e lorika le nkitoo e Nkai naaisul pooki.

Lburania 9:12

Namara lodo loo lkineji o laa lachau etijing'ie inie Ng'oji Sinyati aisul pooki, kake lodo lenye koon etijing'ie nkata nabo ake aitai lasar, nelaku iyioo ntarasi.

Lburania 9:14

kebaa sa eitisiny iyioo lodo le Kristo aoru iyioo asat naayau lkiye payie kitum aaisiaayia Nkai naichu? Kore ta Ltau Sinyati laa ntarasi, neitai ninye koon aaku lasar lemeata ntioto ta Nkai.