Epeso 6:23 - Samburu

²³ Meichoo Nkai Papa o Laitoriani Yeso Kristo, lalachera o nkanachera seriani o nchaman tenebo o nkurukoto.

Epeso 6:23 ပူးပေါင်းရင်းမြစ်များ

Yoana 14:27

<

Rroman 1:7

Kairoroki ntae pooki ootii Rrom, oacham ꞉Nkai neipoto metaa sinyat lenyena. Metaa munyani o sotua naing'uaa Nkai papa lang o Laitoriani lang Yeso Kristo tenebo o ntae.

Rroman 15:33

Metaa Nkai e sotua tenebo o ntae pooki. Aamin.

1 Lkorinto 1:3

Meichoo ntae Nkai Papa lang o Laitoriani Yeso Kristo munyani o sotua.

2 Lkorinto 13:11

Kore naa lalachera o nkanachera ainien, kajo ana aidipita. Entingidata, ninyoknyok aaibelekeny nkoitieii inchi, nining'ining nkitaarriyiana ai, nining'ong'o, niwuenini te seriani. Naa keaku Nkai e nchaman o ne seriani tenebo o ntae.

Lgalatia 5:6

Amu kore tanaa ira le Kristo Yeso, meata tipat kitumurataki anaa eitu. Kore ntoki naata tipat naa inia kurukoto nikindimie tachama lkulie.

Lgalatia 6:16

Naa kore pooki oopoyie ana kitaarriyiana, ninche Isirael le Nkai, naa metamanyai ꞉seriani o lng'er.

Epeso 6:24

Metaa munyani e Nkai tenebo o ꞉lolo pooki oaacham Laitoriani lang Yeso Kristo te nchaman nemeyagari.

1 Ltesalonike 5:8

Kake kore amu ikira le mparkiji, mataa loaaparricho aaitibiraki! Maichopo naa nkurukoto o nchaman ana nchuret e lgoo, nikinchop sii siligi le njeunoto ana nkopiyia e senkei.

2 Ltesalonike 1:3

Lalachera o nkanachera, keyiere nikincho Nkai nache nkata pooki ana naichiaakino tankaraki ntae, amu kebuluta nkurukoto inchi oleng. Kore sii nchaman niatata likae o likae, naa keponari taatua ntae pooki, paa meatae lobo linchi lemebakita.

2 Ltesalonike 3:16

Kore Laitoriani openy seriani, naa meichoo ninye ntae seriani nkata pooki, too nkoito pooki. Metaa Laitoriani tenebo o ntae pooki.

1 Timoti 1:14

Netubukua Laitoriani lang munyani enye tenebo o nchaman o nkurukoto nikiata taatua Kristo Yeso.

1 Timoti 1:3

Kaareki ajoki iyie payie ibik te lkerenket le Epeso, ana naatiaka apake aloito Makedonia, payie intanap lbata loo tung'ana teinie pee meiteng'enicho nkiteng'ena e sapare,

1 Timoti 5:8

Kake kore tanaa keatae lemeibung ltung'ana lenyena, nelus le nkang enye naa keiturrayie ninye nkurukoto, neaku keitorno alang leitu eiruk.

1 Petero 5:14

Erorokinoto to ngusoto e nchaman. Metaa seriani tenebo o ntae pooki otii atua Kristo.

3 Yoana 1:14

Kaisilig ajo ikiduaa kuna naataana nikiro king'ura nkomomi.

Mbolunoto 1:4

Naa nanu Yoana oigeroki ana nkanisani sapa naatii nkop e Asia: Metaa tenebo o ntae munyani o sotua oing'uaa Nkai, ilo otii taata, netii apake, nelotu kenya, neing'uaa sii ltauja sapa ootii tekue lorika lenye le nkitoo,