Epeso 4:5 - Samburu

⁵ Lobo Laitoriani, nabo nkurukoto, nabo nkipatisare,

Epeso 4:5 ပူးပေါင်းရင်းမြစ်များ

Matayo 28:19

enchom naa entaa lochon pooki looiteng'eni lainien, impatisasa ninche ta nkarna e Papa o ne Nkerai o ne Ltau Sinyati,

Asat 10:36

Iyielolo apa lomon oichoo ꞉Nkai ltung'ana lang lee Isirael elikoo Lomon Supati le sotua ooicharu Yeso Kristo, oara Laitoriani loo pooki.

Asat 2:36

<>

1 Lkorinto 1:13

Amaa keoro Kristo? Paulo apa etechoki metanang'a ntae? Tana ta nkarna apa enye eipatisaki ntae payie iakuku lenyena?

1 Lkorinto 1:2

Ikiroroki nkanisa e Nkai natii lkerenket le Korinto, lolo ooitaa ꞉Nkai metaa ltung'ana lenyena etii atua Laitejeunoni Yeso, neipoto metaa sinyat tenebo o lolo pooki ooipot nkarna e Laitoriani lang Yeso Kristo to ng'oji netii, ilo Aitoriani lenche naa lalang.

1 Lkorinto 12:13

Amu kore iyioo pooki, oo duaake kira loo Lyiaudi tanaa loo lkulie oreren tanaa rrindiki tanaa lamara rrindiki, keipatisaki iyioo pooki payie kiaku ilo sesen obo ta Ltau Sinyati, netubukokaki iyioo pooki ilo Tau Sinyati.

1 Lkorinto 12:5

Neatae nkoitieii naapaapaacha naaisiayieki Laitoriani, kake lobo ake ninye.

1 Lkorinto 8:6

Kake nabo ake Nkai nikiata iyioo, Papa laa ninye eing'uaa ntokitin pooki naaitibiraki, naa ikitii ana kop payie kitum kenya aachom netii ninye. Neatae sii Laitoriani obo Yeso Kristo, laa aimu ninye eitibira Nkai ntokitin pooki naa aimu ninye eatae iyioo.

2 Lkorinto 11:4

Eji kore ntae, naa ing'iriri ltung'ani pooki olotu nitii alikoo lomon le likae Yeso lamara ilo likitilikita iyioo ntae, ning'amaa sii likae tau oaapaachere Ltau Sinyati, ning'amaa lkulie omon supati lamara lolo Omon Supati litang'amaitie apa tee iyioo.

Lgalatia 5:6

Amu kore tanaa ira le Kristo Yeso, meata tipat kitumurataki anaa eitu. Kore ntoki naata tipat naa inia kurukoto nikindimie tachama lkulie.

Epeso 4:13

ana matum pooki naboicho e nkurukoto o ne yielounoto e Nkerai e Nkai, nikibulu tenebo aabotoru ana matitiu katukul ana netiu Kristo.

Lpilipi 2:11

Naa keibalie pooki ng'ejep ajo Yeso Kristo Laitoriani, neichori Nkai Papa nkisisa teinia.

Lpilipi 3:8

Ee kedede, kaiken nenia baa pooki ajo ne pecheu tankaraki inia nara ne tipat too pooki, naa kore inia nara ne tipat naa yielounoto e Laitejeunoni Yeso Laitoriani lai. Kore tankaraki Kristo naiturrayie pooki naata apa, naiken ajo ketuwuana nkik payie atum Kristo metaa lalai,

Tito 1:1

Kore ana palai naa keing'uaa Paulo laisiaayiani le Nkai nera sii lkipaaret le Yeso Kristo. Kaaterewuaki payie aretu loogeluno le Nkai metubulu to nkurukoto neyielou ndedei, amu keiteng'en inia dedei meturia Nkai.

Tito 1:4

Kaairoroki iyie Tito, nkerai ai nadede to nkurukoto niking'ar. Metaa munyani o sotua oing'uaa Nkai Papa o Kristo Yeso Laitejeunoni lang, tenebo o iyie.

Lburania 13:7

Entaparru larikok linchi ootilikita ntae rerei le Nkai. Eng'ura lwuenet lenche, nirukuruk ana nairuko ninche.

Yakobo 2:18

Kake keidim ltung'ani atejo, <> Kake kore najo naa ana, <>

1 Petero 3:21

Kore inia naa maaji e nkipatisa naitejeu taata ntae. Meipirita taa inia ajo keituk sesen aoru latukuny, kake ntoki naitisipu ajo merekure etii ntoki niurie tekue Nkai tankaraki ketipiwua Yeso Kristo,

2 Petero 1:1

Kore ana palai naa keing'uaa Simon Petero, oara laisiaayiani o Lkipaaret le Yeso Kristo. Kairoroki ntae lolo oichoo ꞉Nkai meiruko ana mbae e tipat aajo, kore Nkai ang nara Laitejeunoni Yeso Kristo naa loosipat, ana ake taata nikiruk.

Yuda 1:20

Kake kore ntae lacham lainien, entechetu ate te inia kurukoto inchi sinyati naisul pooki, iomonmon to utaroto e Ltau Sinyati.

Yuda 1:3

Lacham lainien, kore abaki aata yieunoto oleng naigerokinyie ntae naipirita ana jeunoto niking'ar, kadol ajo keirikino naigeroki ntae, alej payie inyoknyok aanya larrabal le inia kurukoto nemeibelekenya aikata, naitarasakaki apa sinyat le Nkai.