Epeso 4:28 - Samburu

²⁸ Nchoo metaa meitoki ilo opurruchio apurrucho, kake nchoo eisiaaicho taa nkaik enyena, aas siaai supat payie etum atang'arie ilo otong'orika.

Epeso 4:28 ပူးပေါင်းရင်းမြစ်များ

Luka 19:8

Neinyuototo Sakayo, nejoki Laitoriani, <>

Luka 3:8

Entiiu naa lng'anayio ooiririkino nkirriidunoto ee ng'ok. Emijokino maate, Amu kajoki ntae, keidim Nkai aitibiru nkera too kulo soito metaa nkera e Abraam.

Yoana 12:6

Ketejo ninye ana mara tankaraki nayieuwuoki laisinak, kake tankaraki nara lapuroni. Ninye echi onap lbene loo ropiyiani, nepurroo ake chiaake ntoki napiki ilo bene.

Yoana 13:29

Kore naa amu Yudas apa laing'urani lo lbene loo ropiyiani, nejo lbata loo looiteng'eni lenyena, kebaki naa ketiaka ꞉Yeso Yudas, meinyiang'u ntokitin naayieu tankaraki ntasim, tanaa sii meichoo laisinak nkuti ropiyiani.

Rroman 12:13

Entang'ar ntoki niatata o lolo sinyat lemeitoki eata, niakuku looitoomon lomon taa nkajijik inchi,

1 Lkorinto 4:12

Keirraayie iyioo siaai ogol likiasita taa nkaik ang. Kore edeki iyioo, nikimayianicho, kore eitami iyioo sina, niking'iri.

2 Lkorinto 8:12

Kore tanaa keichooyo ltung'ani ta ltau supat, naaku keng'amaroi inia kichooroto enye teneitai te nkiririkinoto e inia naata, namara te nkiririkinoto e inia nemeata.

2 Lkorinto 8:2

Ketetemaki ninche oleng te sina oimaitie, kake kore eyia, keisapuk oleng ng'ida enche naa kore era loomena oleng, neitaitua nkichoorot enche te leng'on kitok tankaraki naitaitua ate.

Lgalatia 6:10

Naaku kore ewuon kiata nkata, mataasaki ltung'ana pooki mbaa supati, nelusoo lolo likira nabo to nkurukoto.

1 Timoti 6:18

Ntanapa ninche metaasa supati, neparakuonu taa asat supati, neaku looleng neng'arichere lkulie.

Tito 3:14

Nchoo ltung'ana lang meiteng'ena ate aas siaatin pooki supati to nyuata, payie etum yieunot naayiere oleng neata ltung'ani, payie meaku ltung'ana lemeiu lng'anayio.

Tito 3:8

Keisiligai kulo omon, naa kaaitaarriyian payie ilikoo te mpijan, paa kore ꞉lolo ooiruko Nkai, nenyok aas supati. Kore kuna baa naa keisupati too ltung'ana neret ninche.