Epeso 4:22 - Samburu

²² Keiteng'en ntae inia entuburkuchu lwuenet linchi le apa, ilo oyieu mpukunoto inchi torno naitarrorrita yieunot torrok o sapare, nirukurukorere.

Epeso 4:22 ပူးပေါင်းရင်းမြစ်များ

Rroman 6:6

Ikiyielo nchere ketechoki mpukunoto ang musana ee ng'ok tenebo o ninye, payie etumi aaidakie ngolon e ng'ok, nemeitokini aapik iyioo rrindikicho ee ng'ok.

Rroman 7:11

Kore amu kewa ꞉ng'oki mpaach aimu nkitanapata, naasap nanu, naar te inia kitanapata.

2 Lkorinto 11:3

Kore ana apa natasapa lasurai to loseg lenye Awa, kaurie ajo keitarruorri mparrunot inchi metaa mekure irara ltung'ana ooisiligai, lemeata ntioto to sotua oaata o Kristo.

Lgalatia 1:13

Amu itining'o ntae lwuenet lai le apa taatua lkerreti le nkurukoto ee Lyiaudi, ana naikuna payie aitam oleng sina nkanisa e Nkai, nanyok aidakie.

Epeso 2:3

Naa nejia sii apake kitiu iyioo pooki kirukurukore nenia ng'uarrat torrok e mpukunoto ang torno, nikintabaya ng'uarrat e sesen o nee mparrunot. Naa kore iyioo ikira ltung'ana ana ake lkulie pooki, ooichiaakino nemut ngoro e Nkai.

Epeso 4:17

Naaku kajoki ntae ana, naitarrap ntae ta nkarna e Laitoriani, nchere payie mintokiki katukul aawueni ana neiko loreren lemeyielo Nkai ooirukurukore mparrunot enche e pecheu.

Epeso 4:25

Naaku entapal sapare, nemeata lemeirorie likae te ndedei, amu ikira pooki rubat e sesen obo, nemeata nemeyieu reto e nkae.

Epeso 4:31

Enturrai mion nayau ngoro o lchut le ngoro o lbuaa o ldeket pooki tenebo sii nkiba pooki.

Lkolosae 2:11

Taatua ninye sii etumurataki ntae. Ketaase ana payie eburkuchuni mpukunoto inchi torno, namara to muratare namuratichoe taa nkaik, kake to muratare e Kristo.

Tito 3:3

Amu ikira abaki apa iyioo lmada, nimikining'icho, neitopong'ori iyioo, nikira rrindiki loo ng'uarrat torrok o mbaa kumo naaiting'id seseni. Nikiwuenie nkiba o lom, eibae iyioo nikimbaro.

Lburania 12:1

Naaku kore amu ikiata lturrur kitok loo ltung'ana le nkurukoto ooing'orita iyioo taa mbat pooki kikuetita, maiturrai naa ntoki pooki nairochi o inia ng'oki naonyikino iyioo oleng, nikindip inia kuetata e nkurukoto natii tekue iyioo te ng'iriata.

Lburania 3:13

Kake kore ntae entogoloto likae o likae mperot pooki, ewuon kiata nkata, payie meatae ake lobo linchi oaku ltung'ani ogol kue tankaraki nasapaa ꞉ng'oki.

Yakobo 1:21

Naaku naa, enturrai mbaa pooki naaidurukie ntae o ntorno nataa kitok oleng, ning'amaa to mborron ilo rerei otipika Nkai atua ltauja linchi, oidim aitejeu nkichui inchi.

Yakobo 1:26

Kore tenejo ltung'ani kera ltung'ani oyielo Nkai, kake nemeirrita lng'ejep lenye, koon ake esapita naa kore inia najo keyielo Nkai naaku ake pecheu.

1 Petero 1:18

Eitu eitami ntae ropiyiani tanaa masaa naaichunye, aalakunyie taa mbaa inchi nemeata tipat naaitarasakita ntae lmakui linchi,

1 Petero 4:3

Itara apa nkata naado iasias mbaa naayieu loreren lemeyielo Nkai neas. Kore apa inia kata, itowuana iasias mbaa e anyit, ning'uarrichocho, nimerara, nilubobo, nitumomo aamaticho, niasias ntabo aasai nkaitok e sapare.

2 Petero 2:13

Kore mion natum ninche naa inia nalaaki ꞉Nkai ninche tankaraki ntorno nataasa. Kecham ninche aataas mbaa naaiting'id seseni lenche eitache ndama. Kore tininyanya ndaa tenebo, nepik ntae rachat torrok, neitam ntae anyit eiting'id ate taa saparia enche.

2 Petero 2:7

Neitejeu ꞉Nkai ltung'ani oji Lot oara apa ninye loosipat oitemioto ltau lenye ꞉mbaa e anyit naasita lolo aitarruok.