Epeso 4:14 - Samburu

¹⁴ Naaku mikintoki aaku nkera naanang'aa laing'ok le nkare idie o idie, nenia naaya siwuo pooki le nkiteng'ena ee ltung'ana oaasapicho o loaata losegin, neitopong'oo metijing'a atua losegin le sapare.

Epeso 4:14 ပူးပေါင်းရင်းမြစ်များ

Matayo 11:7

Kore epuoito looiteng'eni le Yoana, neng'asu Yeso aliki lturrur mbaa naaipirita ninye, <

Matayo 24:11

Naa keipung'u loibonok kumo le sapare, nesap lkumo.

Matayo 24:24

Amu kepuonu kenya looitaakino Kristo o looitaakino loibonok le Nkai, neitodolu nkitodolunot kutuaa o mbaa e nking'asia, payie teneidimai, neitopong'oo abaki lgelunot.

Asat 23:21

Kake mincho ꞉ninche kisapaki, amu ketijing'a lbata lenche oorepaa artam nkurruna aanyu ninye payie ear metua. Naa ketama lmumai tenebo ejo menya ndaa tanaa emat ntoki ana metara ninye metua. Keidipa aaterretenata paa iyie ake eanyuta nchoo ninche inia nayieu.>>

1 Lkorinto 12:2

Amu kore apa ewuon eitu iyielouu Laitoriani, ketitila neyiataa ntae nkaitok e sapare nemeidim aairoro entasai ninche.

1 Lkorinto 14:20

Lalachera o nkanachera ainien, emiparricho ana nkera kunini taa mbaa naaipirita Nkai, kake entewueni ana nkera nemeitoki eyielo taa mbaa naaipirita ntorroni, niparrichocho ana ltung'ana kutuaa taa mbaa e Nkai.

1 Lkorinto 3:19

Amu kore inia najo ltung'ana ng'eno tana kop naa madai ta Nkai. Ana nejo Lkigerot Sinyat nchere, <>

2 Lkorinto 2:17

Kore iyioo, mikituwuana lkulie kumo ooitarruo rerei le Nkai aayiarie dupoto, kake ikilikorita mikisudorita toki tekue Nkai, kitii atua Kristo, ana ltung'ana oing'uaa Nkai.

2 Lkorinto 4:2

Kake ikitanya mbaa pooki naaisudoro e anyit, nimikiasichere sapare tanaa kintarruoo rerei le Nkai. Ikimbalie sipata ee Lomon Supati, kiyieu payie esipu pooki ng'ae ta ltau lenye nikitiu tekue Nkai.

Lgalatia 3:1

Lagalatia kulo oaamada, ng'ae oirupo ntae? Mara tekue nkonyek inchi eibalunyeki nchere Yeso Kristo etechoki?

Epeso 6:11

Enchopo masaa pooki e Nkai naichoo ꞉ninye sikarini lenyena, payie indimdim aaitacho aaibooi losegin pooki le Chitani.

1 Timoti 3:6

Meyiere nera ltung'ani oiruko det, payie meiliepie koon nedung'okini nkiguana torno ana apa Chitani.

2 Timoti 1:15

Iyielo taata ajo kore lolo pooki otii inia kop e Asia naa kaatung'aitie nanu, etii Pigelo o Ermogene.

2 Timoti 3:13

kake kore ltung'ana torrok o lasapak naa kepuo ake kue aarroyo oleng, esapicho, nesapi sii ninche.

2 Timoti 4:3

Amu kelotu kenya nkata nemeidimare ltung'ana nkiteng'ena nadede. Kore neas ninche, naa ng'uarrat enche erubare neiturrurroki ate laiteng'enak oojo mbaa naayieu nkiyiaa enche nening.

Lburania 13:9

Emincho eitopong'oo ntae mbaa kumo naapaachere nkiteng'ena ang. Keichiaakino metaa munyani e Nkai etumie ltauja lang ngolon, mara nkibung'ata ee nkitanapat naaipirita ndaa nemeret abaki lolo ooirukurukore nenia kitanapat.

Yakobo 1:6

Kake teneomonu, enchoo eomonu to nkurukoto meata hooyia lng'ach, amu kore loata lng'ach naa inji etuwuana ana laing'ok le mpaso ookutaa lkutati aya neyieu.

Yakobo 3:4

Ng'ura sii aitoki melin, kore abaki era kutuaa oleng nekutaa lkutati kitok le nkare, kake nkini toki ake naata nateeyo, meeima ng'oji pooki neyieu larewani.

2 Petero 2:18

Amu kore lolo tung'ana eimer too lomon lemeitoki, neirukurukore ng'uarrat e mpukunoto torno e ltung'ani, nesapaa lolo oaataa keilany ltung'ana oaas ntorrok metaasa mbaa e anyit.

1 Yoana 2:19

Keipung'o ninche taatua iyioo, kake mara apake lkulalang. Amu tanaa kera lkulalang, anata etii tenebo o iyioo. Kake keipung'o aaing'uaa iyioo payie etumi aateyielo aajo mara pooki ng'ae oara lalang.

1 Yoana 2:26

Kaigeroka naa ntae kuna baa aparru lolo oonyokita aaitopong'oo ntae.

1 Yoana 4:1

Lacham lainien, emiiruk ltau pooki, kake entisipu ltauja payie iyielouu tanaa Nkai eing'uaa, amu ketijing'a nkop ꞉loibonok kumo le sapare.

Yuda 1:12

Kore kulo tung'ana naa soito oopi ooricho le atua nkare. Lolo laa kore too sukukuuni linchi nedaa tenebo o ntae meata nkanyit, aa ate aapeny eing'or. Kera nkidis nemecha naya siwuo, nera sii lkeek lemeata lng'anayio nkata e ndung'ore, ootuata katare netodotunyie taa ntana.

Mbolunoto 19:20

Kake neibung'i inia ng'ues torno tenebo o loiboni le sapare oataasa mbaa kutuaa naaing'asicho tekue inia ng'ues. Kore nenia baa e nking'asia, netasapie ltung'ana pooki ootipikaki lminchire le inia ng'ues, lolo oaatasayia nkitanyanyukoto enye. Nenang'akini eichu inia ng'ues torno o loiboni le sapare mpaso e nkima nailu to ntoki naji salpa.