Epeso 3:9 - Samburu

⁹ nabol ltung'ana pooki nkonyek, meteyielo neikununo kipirte naisudoro e Nkai, inia kipirte naa ꞉ilo oitayia ntokitin pooki ake apeny apa oyielo.

Epeso 3:9 ပူးပေါင်းရင်းမြစ်များ

Matayo 10:27

Kore pooki najoki ntae ta naimin entilikoi to wong'an, naa kore nining'ining too nkurrat, entilikoi aaitadaraa.

Matayo 13:35

Paa kore nairoro apa Nkai aimu loiboni lenye ajo, <> netum atabai.

Matayo 25:34

<

Matayo 28:19

enchom naa entaa lochon pooki looiteng'eni lainien, impatisasa ninche ta nkarna e Papa o ne Nkerai o ne Ltau Sinyati,

Luka 24:47

Naa kelikori ta nkarna enye nkibelekenyata nayau mpalikinoto ee ng'ok too lochon pooki, ang'asu te Yerusalem.

Yoana 10:30

Kore nanu o Papa, naa nabo kira.>>

Yoana 5:17

Nejoki ꞉Yeso ninche, <>

Yoana 5:19

Nejoki ꞉Yeso ninche, <

Asat 15:18

/oibalunyie kuna pooki ta ng'asunoto.>

Rroman 11:25

Amu lalachera lainien, kayieu niyielouu ana bae naisudoro, payie midoldol ate aajo irara toki. Kore naa inia naisudoro naa ana, keitogolito lbata loo Isirael nkuechi, ana meiputakinoto ltung'ana pooki loo loreren lamara loo Lyiaudi.

1 Lkorinto 2:7

Ikiimaki ng'eno e Nkai too nkoitieii nemening'u ltung'ana pooki. Ketegelua Nkai inia ng'eno ewuon eitu eitibir ana kop, payie kitum iyioo aatijing atua nkitoo enye te inia ng'eno enye.

Epeso 1:4

Ketegelua ꞉ninye iyioo ewuon eitu eng'asu aitai nkop tankaraki e inia nataasa Kristo, payie kitum aataa sinyat nimikiata sii ntioto tekue ninye.

Epeso 3:2

Kasip ajo itining'o kipirte e Nkai naaichoo nanu te munyani enye matiliki ntae,

Epeso 6:19

nikiomonokiki sii nanu, payie aaicho Nkai rerei lajo nkata pooki nabol nkutuk ai airo, natum atilikoi te mpijan mbaa naaisudoro ee Lomon Supati,

Lkolosae 1:23

Keasai inia tanaa intachoo ake taatua nkurukoto ang aaitirrichaki, nimingusgus, nimiwuangwuang aaing'uaa siligi oicho ntae lolo Omon Supati litining'o. Kore lolo Omon Supati naa ketilikoyieki apa aaliki ltung'ana pooki otii nkop, naa kore nanu Paulo nataa laisiaayiani loo lolo Omon Supati.

Lkolosae 1:26

Kore inia naa mbae e Nkai naisudoyie taa ng'amat o too ntowuon e apa, kake kore taata keibalakinyieki taata sinyat lenyena.

Lkolosae 3:3

Kore ta mbata ee mbaa e nkop, naa ituata apa naa kore taata, keisudoyieki nkichui inchi taatua Nkai tenebo o Kristo.

Lkolosae 4:3

Niomonokiki sii iyioo, metoboloki iyioo Nkai nkoitiei matilikoi rerei lenye, aalikoo kulo Omon ooipirita Kristo ooibalakinyie taata iyioo ꞉Nkai, leitu apake eibalakinyie ltung'ana tekue. Naa tankaraki sii lolo Omon paena nanu.

2 Ltesalonike 2:13

Kake keyiere nikirrinyoki iyioo Nkai nache nkata pooki tankaraki ntae lalachera oaacham ꞉Laitoriani, amu ketegelua ntae Nkai ta ng'asunoto payie ijeuu aaku sinyat ta Ltau Sinyati o tinirukuruk ndedei.

1 Timoti 3:16

Keng'amaa pooki ng'ae nchere kore neiko ꞉ltung'ani teneyanyit Nkai naa keisudoro, nera netipat oleng: /keibalunyieki ninye era ltung'ani, neibalunyie ꞉Ltau Sinyati ajo loosipat, nedol ꞉lmalaikani. Nelikori taatua loreren, neiruki to nkop, neiliepieki aaya nkitoo e chumata.

2 Timoti 1:9

Keitejewua ninye iyioo, neipoto iyioo to nkupototo sinyati, namara tankaraki nikitaasa toki, kake tankaraki yieunoto o munyani enye. Kore ana munyani naa keichooki iyioo te Kristo Yeso ewuon meatae nkop,

2 Timoti 4:17

Kake kaatereto Laitoriani naaicho ngolon payie atum aidipa likoroto ai ee Lomon Supati, netum loreren pooki aatining. Naaku, aaitayiaki to nkutuk e lowuoru.

Tito 1:2

Kore ana dedei naa keicho ninche siligi le nkichon ee ntarasi, le lekutuk oitayia apa ꞉Nkai ewuon apake eitu eitibiruni nkop, nemesapicho Nkai.

1 Petero 1:20

Kore apake ninye, naa ketegeluaki ewuon eitu eng'asu ꞉Nkai aitibir nkop, kake /keibalunyieki taata ta ng'amata e nkiting'oto tankaraki ntae.

Mbolunoto 13:8

Kore ltung'ana pooki oaamanya nkop nesai ninye, lolo leitu eigeri apa nkarn enche ewuon eitu eitamanyuni nkop to mbuku ee lolo oaata nkichui ee ntarasi, inia buku e Lkuo leker otaraki apa metua.

Mbolunoto 14:6

Naitoki adol likae malaika eloito te nkeper e nkai, eata lomon supati laa ntarasi, nemeata ajo meliki ltung'ana pooki le nkop aa ltung'ana loo nkopi pooki o loreren pooki o ltung'ana loo nkutukie pooki o lochon pooki le nkop.

Mbolunoto 17:8

Kore inia ng'ues nitoduaa, keichu apa kake merekure taata eichu. Ketaa payie eiliepu to lodo le nkop nelo meidakieki katukul. Naa kore ltung'ana pooki oaamanya nkop, lolo leitu eigeri nkarn enche to mbuku e nkichui ee ntarasi apake payie eitamanyuni nkop, neing'asia tenedol inia ng'ues torno amu keichu apa ang'as nemerekure eichu taata, kake keitoki alotu.

Mbolunoto 4:11

<>