Epeso 3:4 - Samburu

⁴ Tinisomsom ana, indimdim aateyielo ning'unoto naata tana bae naisudoro naipirita Kristo,

Epeso 3:4 ပူးပေါင်းရင်းမြစ်များ

Matayo 13:11

Newoliki ꞉Yeso ninche ajoki, <

Luka 8:10

Nejoki ꞉Yeso ninche, <

Rroman 11:25

Amu lalachera lainien, kayieu niyielouu ana bae naisudoro, payie midoldol ate aajo irara toki. Kore naa inia naisudoro naa ana, keitogolito lbata loo Isirael nkuechi, ana meiputakinoto ltung'ana pooki loo loreren lamara loo Lyiaudi.

Rroman 16:25

Meeichori inia Ai ake nabo ng'en naidim aichoo ntae ngolon, nkisisa te Yeso Kristo! Keidim ninye aitogolo ntae ana neiteng'en ntae likoroto ai ee Lomon Supati, inia likoroto naipirita Kristo Yeso, ndedei nemeidimai payie eyielouni kake neibalunyieki taata. Keisudoro apa too ntowuon o ntowuon, kake kore taata, naa keibalunyieki neiteyieloki loreren pooki too lkigerot le naibon, ana naitanapa ꞉Nkai ee ntarasi, payie etum ninche aatining Nkai teneiruk Lomon Supati likilikorita. Metaa nenye nkisisa ntarasi, Aamin.

1 Lkorinto 13:2

Kore tanaa kaata nkichooroto e naibon e Nkai, tanaa aata yielounoto o ning'unoto ee mbaa naisudoro e Nkai o tanaata nkurukoto sapuk ta Nkai naiwuotie lowuan, namacham ltung'ana, naaku meitoki ara.

1 Lkorinto 4:1

Enteyielo aajo ikira iyioo laisiaayiak le Kristo ooichooki metaa laing'urak loo mbaa naaisudoyieki apa e Nkai.

2 Lkorinto 11:6

Keidim naa mara arriyia to nkiroroto, kake kayielo netiu mbaa. Naa /ikimbalakinyie ntae chiaake to nkoitiei pooki nenia baa nikiyielo.

Epeso 1:9

Eibalakinyie iyioo yieuna enye naisudoro ana natudung'o ninye apa te Kristo.

Epeso 3:3

inia kipirte e Nkai naisudoro naaibalakinyieki nanu ana naidipa aigero to ndorropo.

Epeso 3:9

nabol ltung'ana pooki nkonyek, meteyielo neikununo kipirte naisudoro e Nkai, inia kipirte naa ꞉ilo oitayia ntokitin pooki ake apeny apa oyielo.

Epeso 5:32

Kore ana naa nkisudoroto kitok oleng, kake kalimuta nanu mbae naipirita Kristo o nkanisa.

Epeso 6:19

nikiomonokiki sii nanu, payie aaicho Nkai rerei lajo nkata pooki nabol nkutuk ai airo, natum atilikoi te mpijan mbaa naaisudoro ee Lomon Supati,

Lkolosae 1:26

Kore inia naa mbae e Nkai naisudoyie taa ng'amat o too ntowuon e apa, kake kore taata keibalakinyieki taata sinyat lenyena.

Lkolosae 2:2

Kanyokita payie etumi aaitogolo ninche ltauja neibung'a tenebo te nchaman, netum ltung'ana sipata nadede naing'uaa ning'unoto nadede, neichori ning'unoto ee mbae e Nkai naisudoro, naa Kristo taa inia.

Lkolosae 4:3

Niomonokiki sii iyioo, metoboloki iyioo Nkai nkoitiei matilikoi rerei lenye, aalikoo kulo Omon ooipirita Kristo ooibalakinyie taata iyioo ꞉Nkai, leitu apake eibalakinyie ltung'ana tekue. Naa tankaraki sii lolo Omon paena nanu.

1 Timoti 3:16

Keng'amaa pooki ng'ae nchere kore neiko ꞉ltung'ani teneyanyit Nkai naa keisudoro, nera netipat oleng: /keibalunyieki ninye era ltung'ani, neibalunyie ꞉Ltau Sinyati ajo loosipat, nedol ꞉lmalaikani. Nelikori taatua loreren, neiruki to nkop, neiliepieki aaya nkitoo e chumata.

1 Timoti 3:9

Keyiere payie eibung inia dedei naisudoro, naibalunyieki to nkurukoto emusoo aajo meata nakurrieki.