Epeso 3:16 - Samburu

^16-17 Kaomon meitogolo ꞉ninye nkurruki inchi oleng, te risioroto e nkitoo enye kitok, aimu Ltau lenye Sinyati, payie emany Kristo atua ltauja linchi to nkurukoto, paa kore itaa ltung'ana ootuunote lemeigusgus taatua nchaman,

Epeso 3:16 ပူးပေါင်းရင်းမြစ်များ

Matayo 6:13

Naa mincho iyioo kijing atua ntemat, kake talaku iyioo te Ilo torno.>

Rroman 2:29

kake kore ilo oara Lyiaudii odede, naa ilo oara ta ltau, naa kore muratare nadede naa inia muratare e ltau. Kore ilo omurat ltau, naa Ltau sinyati le Nkai mara sirat ee nkitanapat. Kore ilo tung'ani naa ta Nkai eng'amaa rrepet, namara too ltung'ana.

Rroman 7:22

Amu kang'idakino nanu taatua ltau lai nkitanapat e Nkai,

Rroman 9:23

Ketaasa sii inia payie eitodolu nowua nkitoo enye too lolo ooing'urrieki, lolo ooitibira apake payie etum ꞉ninche inia kitoo.

1 Lkorinto 16:13

Entirripicho nintachoo oleng to nkurukoto! Entaa ltung'ana ooirich negol!

2 Lkorinto 12:9

Kake naajoki, <> Naaku kang'ida oleng, naa alang tanaikarrie mbaa naaitoduaa Nkai, naikarrie mbaa naitachal payie etum ngolon e Kristo atowuana taatua nanu.

2 Lkorinto 4:16

Naaku megila iyioo ltauja. Kore abaki emutari seseni lang le oriong, naa keiteng'ejuki nkurruki ang mparri o mparri.

Epeso 1:18

Naamon sii metobolo Nkai ltauja linchi, payie itumtum aateyiolo nowua siligi oipotoka ninye ntae, o nowua supaticho e inia natipika Nkai metaa ninchi tenebo o sinyat lenyena,

Epeso 1:7

Ilo laa te ninye ikiata lakunoto natalaa to lodo lenye, aa taa ketapalikaki iyioo nkitarruorruot ang. Keitodolu ana newua munyani naichoo iyioo Nkai,

Epeso 2:7

Paa kore taa ng'amat naapuonu, neitodolu ninye neba leng'on e munyani enye, eitaasita iyioo supati taatua Kristo Yeso. Nemeata inia munyani enye lnyanyukie.

Epeso 3:15

ilo laa kore pooki oipoti aajo papa te chumata o to nkop, naa ninye eipotieki.

Epeso 3:8

Kore abaki aa nanu lkini alang lkulie sinyat pooki, nanu eichoo Nkai ana munyani enye, matiliki ltung'ana loo lkulie oreren lamara loo Lyiaudi nowua mayianat naatii atua Kristo nemeata nkiting'oto,

Epeso 6:10

Kore mbae naidipie, entogolioto taatua Laitoriani o te ngolon e nkidimata enye.

Lpilipi 4:13

Kaidim ataasa nenia baa pooki atii atua Kristo laaicho ngolon.

Lpilipi 4:19

Naa kore inia Ai naisiaita, keicho ntae ntoki pooki nabana niyieuu to murdaicho enye aimu Laitejeunoni Yeso.

Lkolosae 1:11

Neitogol ntae Nkai to ngolon pooki ana te nkidimata enye e nking'asia, payie itumtum aating'iri taa mbaa pooki. Naa kore te ng'ida ninchocho Papa nache, oitaa ntae looichiaakino netum inia naitayia Nkai lekutuk ajo keicho ntae tenebo o sinyat lenyena oowueni taatua wong'an.

Lkolosae 1:27

Keyieu apa Nkai payie aibalunyie newua inia kisudoroto enye e nking'asia too ltung'ana loo loreren, kore inia kisudoroto naa nchere kore Kristo oamanya atua ltauja linchi naa ninye siligi linchi le nkitoo nalotu.

Lkolosae 2:2

Kanyokita payie etumi aaitogolo ninche ltauja neibung'a tenebo te nchaman, netum ltung'ana sipata nadede naing'uaa ning'unoto nadede, neichori ning'unoto ee mbae e Nkai naisudoro, naa Kristo taa inia.

2 Timoti 4:17

Kake kaatereto Laitoriani naaicho ngolon payie atum aidipa likoroto ai ee Lomon Supati, netum loreren pooki aatining. Naaku, aaitayiaki to nkutuk e lowuoru.

Lburania 11:34

near nkima naiyupuyup, netapaachere lkiye la lalem. Neibelekenyi nchalan enche metaa ngolon, neisul ta larrabal nemir njorin ee lmang'aterei.

1 Petero 3:4

kake enchoo sikar inchi eaku naa ltauja, inia sikar nemelioo nememutari, aa taa ltau oanana nebor, inia taa eiken Nkai ajo toki tekue ninye.