Epeso 3:10 - Samburu

¹⁰ Neyielou taa taata ꞉lolo oaata nkitoria o nkitoo te chumata, ng'eno nagut e Nkai ee mpukunot kumo aimu nkanisa.

Epeso 3:10 ပူးပေါင်းရင်းမြစ်များ

Rroman 11:33

Kebaa siake nguton e parakuoicho o ne ng'eno o ne inia naa nemeitoki meyielo ꞉Nkai! Meidimai payie iyielou aichu mbaa naadung Nkai, nemeyielounoi nkoitieii enyena!

Rroman 8:38

Amu kaata sipata ajo, mara lkiye, namara nkichon, namara lmalaikani, namara laitoriak, namara mbaa naatii taata, namara mbaa naapuonu kenya, namara ngolon naje,

1 Lkorinto 1:24

Kake kore too lolo oipoto Nkai, peera loo Lyiaudi tanaa sii ltung'ana lamara loo Lyiaudi, naaku ninye ilo Aitejeunoni oanyutae nera sii ngolon o ng'eno e Nkai.

1 Lkorinto 2:7

Ikiimaki ng'eno e Nkai too nkoitieii nemening'u ltung'ana pooki. Ketegelua Nkai inia ng'eno ewuon eitu eitibir ana kop, payie kitum iyioo aatijing atua nkitoo enye te inia ng'eno enye.

Epeso 1:21

meisula katukul nkitoria o nkitoo o ngolon o lolo ooitoricho pooki o pooki toki naipoti, namara ake tana ng'amata, kake abaki ta ng'amata nalotu.

Epeso 1:23

Nkanisa nara sesen lenye, inia naaiput ꞉ninye neiput sii pooki toki taatua pooki.

Epeso 1:3

Meisisi Nkai nara menye Laitoriani lang Yeso Kristo, ilo oatamayiana iyioo taatua Kristo tee mayianat pooki e Ltau Sinyati naaing'uaa chumata.

Epeso 1:8

tenebo o ng'eno nagut o yielounoto ee mbaa pooki naaichoo iyioo aiputaki!

Epeso 6:12

Amu mikinya iyioo larrabal aarare ltung'ana, kake ikirere laitoriak o lolo oaata nkitoo, nikirere looitore ana kop e naimin, nikirere sii lairiruani torrok otii loing'ang'e.

Lkolosae 1:16

Amu te ninye eitibiraki ntokitin pooki, natii chumata o natii nkop, nalioo o nemelioo, pee era lolo ooitoricho anaa nkitoria anaa lkulie aitoriak anaa nkitoo. Kore ntokitin pooki, naa te ninye eitibiraki naa ninye eitibirakaki.

Lkolosae 2:10

nirara ntae lootumo nkichon nabore taatua ninye. Ninye lkitok oitore nkitiorian o ngolon pooki.

Lkolosae 2:15

Netigilgila ninye ngolon o nkitoria pooki e naimin edolita pooki ng'ae, amir pooki to lkiye lenye o te mpiunoto enye.

1 Timoti 3:16

Keng'amaa pooki ng'ae nchere kore neiko ꞉ltung'ani teneyanyit Nkai naa keisudoro, nera netipat oleng: /keibalunyieki ninye era ltung'ani, neibalunyie ꞉Ltau Sinyati ajo loosipat, nedol ꞉lmalaikani. Nelikori taatua loreren, neiruki to nkop, neiliepieki aaya nkitoo e chumata.

1 Petero 1:12

Keibalakinyie ꞉Nkai ninche nchere kore nenia naaing'oruta naa mara tankaraki ate kake tankaraki ntae. Netamakita sii ntae lolo ootilikita ntae Lomon Supati to ngolon e Ltau Sinyati oirriwuaki te chumata, nenia baa. Kore sii lmalaikani keyieu netum sapipiyiet ee nenia baa.

1 Petero 3:22

ilo oiliepa alo chumata, newuon ta nkaina e tetene e Papa etii lmalaikani o lolo oaata nkitoo o lolo oaata ngolon taabori ninye.