Epeso 2:6 - Samburu

⁶ Neitipiu iyioo ꞉Nkai too lootuata tenebo o Kristo Yeso, neitowuon iyioo o ninye te chumata, ikitii atua ninye.

Epeso 2:6 ပူးပေါင်းရင်းမြစ်များ

Matayo 26:29

Kajoki ntae, mamat aitoki katukul inia naing'uaa ele ng'anayioi lo lmusabibu, ana metabaki inia parri namat eteng'ejuko tenebo o ntae taatua nkitoria e Papa lai.>>

Luka 12:37

Emayiana lolo aisiaayiak laa tenelotu lkitok lenche neirrachu erripicho. Kedede kajoki ntae, kerretena ninye, neitoomon aicho ndaa, neisiaai ninche.

Yoana 12:26

Kore ꞉pooki ng'ae laaisiaai nanu, nchoo sii elo kue airukurukore nanu, payie eaku kore natii nanu netii sii laisiaayiani lai. Kore ꞉pooki ng'ae laaisiaai nanu, naa keicho ꞉Nkai nkanyit.

Yoana 14:3

Naa kore paalo naidip aitibiraki ntae ng'oji, nachukunyie aitoki aya ntae natii, paa kore ng'oji natii nanu, naaku inie sii itii ntae.

Epeso 1:1

Nanu Paulo, oataa Lkipaaret le Yeso Kristo ana nayieu Nkai paaku, oiroroki sinyat otii Epeso, ooisiligai taatua ilo Aitejeunoni oaanyutae apa oji Yeso.

Epeso 1:3

Meisisi Nkai nara menye Laitoriani lang Yeso Kristo, ilo oatamayiana iyioo taatua Kristo tee mayianat pooki e Ltau Sinyati naaing'uaa chumata.

Epeso 2:10

Amu ninye oitaa iyioo nikitiu taata, aitibir iyioo taa nkaik enyena kitii atua Kristo Yeso payie kias asat supati, nana apake naaitibiraka iyioo mataas.

Epeso 2:13

Kake kore taata itii atua Kristo Yeso, kore ntae apa oaalakua nitinyikutua taata aaimu lodo le Kristo.

Lkolosae 1:18

Ninye nkue e sesen, aa taa nkanisa, naa ninye ng'asunoto, Nkerai e Nkai natipiwua aing'uaa lmeneng'a tekue nemeye aikata, peaku ninye oituruk to ntoki pooki,