Epeso 2:13 - Samburu

¹³ Kake kore taata itii atua Kristo Yeso, kore ntae apa oaalakua nitinyikutua taata aaimu lodo le Kristo.

Epeso 2:13 ပူးပေါင်းရင်းမြစ်များ

Yoana 10:16

Kaata sii nkulie kerra namara nana boo, naa kariku ninche, nening ltoilo lai, neaku mboo nabo naata lchekut obo.

Asat 15:14

Ketilika iyioo Petero neikuna ꞉Nkai payie egelu taatua loreren, lorere lenye.

Asat 2:39

Amu kore ele lekutuk naa linchi o loo nkera inchi o lolo pooki ooing'uaa nkopi naalakua, o lkulie pooki ooipot ꞉Laitoriani Nkai ang metaa lenyena.>>

Asat 22:21

Kake naajoki ꞉Laitoriani, >>

Asat 26:18

tobolo nkonyek enche nichuku taatua naimin apik atua wong'an. Impung'unyie taatua nkitoria e Chitani achukoki Nkai, netum mpalikinoto ee ng'ok o mpaach enche taatua lolo ooitisinyaki tankaraki naairuko nanu.>

Rroman 8:1

Naaku kore taata, merekure eatae nkiguana torno too lolo otii atua Kristo Yeso.

1 Lkorinto 1:30

Tankaraki Nkai payie itii atua Laitejeunoni Yeso, neitaa ninye ng'eno aang. Amu kore te inia nataa Yeso, nikitum iyioo sotua oipida o Nkai, nikiaku ltung'ana lenyena sinyat oaatalakuaki,

1 Lkorinto 12:13

Amu kore iyioo pooki, oo duaake kira loo Lyiaudi tanaa loo lkulie oreren tanaa rrindiki tanaa lamara rrindiki, keipatisaki iyioo pooki payie kiaku ilo sesen obo ta Ltau Sinyati, netubukokaki iyioo pooki ilo Tau Sinyati.

1 Lkorinto 6:11

Nejia apake etiu lbata linchi kake keitukoyieki ntae ng'ok, neitisinyaki ntae, neitaaki iyioo loosipat ta nkarna e Laitoriani Yeso Kristo o ta Ltau le Nkai ang.

2 Lkorinto 5:17

Naaku kore tenetii ltung'ani atua Kristo, netaa ntoki ng'ejuk, echomo napa musana, nelotu ng'ejuk.

Lgalatia 3:28

Kore taatua Laitejeunoni Yeso, irara ntae pooki ntoki nabo, meatae ajo Lyiaudii ira anaa ltung'ani loo loreren, rrindik anaa ilo lamara rrindik, lee anaa ng'oriei.

Epeso 1:1

Nanu Paulo, oataa Lkipaaret le Yeso Kristo ana nayieu Nkai paaku, oiroroki sinyat otii Epeso, ooisiligai taatua ilo Aitejeunoni oaanyutae apa oji Yeso.

Epeso 1:7

Ilo laa te ninye ikiata lakunoto natalaa to lodo lenye, aa taa ketapalikaki iyioo nkitarruorruot ang. Keitodolu ana newua munyani naichoo iyioo Nkai,

Epeso 2:10

Amu ninye oitaa iyioo nikitiu taata, aitibir iyioo taa nkaik enyena kitii atua Kristo Yeso payie kias asat supati, nana apake naaitibiraka iyioo mataas.

Epeso 2:12

Naa kore apa ntae te inia kata, miatata Kristo, nirara ltung'ana leiching'a lemeata nejo locho le Isirael, niminkenakinono lning'on le lekutuk le Nkai, nimiatata siligi nimiatata Nkai to nkop.

Epeso 2:2

Ipuoyieyie apa nenia oitiei naapuoyie ltung'ana lemeyielo Nkai. Nirukurukorere ilo oirirua oitore nkitoria e loing'ang'e, oasicho taata taatua lolo lemening Nkai.

Epeso 2:6

Neitipiu iyioo ꞉Nkai too lootuata tenebo o Kristo Yeso, neitowuon iyioo o ninye te chumata, ikitii atua ninye.

Lburania 9:18

Naa tankaraki inia payie measicho apa lning'o lekue, teneitu eibukori lodo.

1 Petero 3:18

Keitamaki naa Kristo sina nkata nabo tankaraki ng'ok, kera ninye loosipat netanang'a ltung'ana lamara loosipat, payie etum atirikoki iyioo Nkai. Ketua ninye te sesen kake neitipiuni ltau,

Mbolunoto 5:9

Nerany sinkolio ng'ejuk ejo, <