Epeso 1:23 - Samburu

²³ Nkanisa nara sesen lenye, inia naaiput ꞉ninye neiput sii pooki toki taatua pooki.

Epeso 1:23 ပူးပေါင်းရင်းမြစ်များ

Yoana 1:16

Naa kore amu kebore ninye munyani o ndedei, ikitang'amaitie sii munyani ejing mpaach e nkae munyani te inia kuputakinoto enye.

Rroman 13:5

Naaku, meata ltung'ani lemeyiere neitodoyio koon taabori lolo ooitoreicho, namara ake tankaraki naurie ajo kidung'okini nkiguana torno, kake tankaraki namuso te inia naichiaakino.

1 Lkorinto 12:6

Neatae nkoitieii naapaapaacha naasie Nkai siaai, kake inia Ai nabo ake naas nenia pooki taatua iyioo pooki.

1 Lkorinto 15:28

Kake kore payie epiki ntokitin pooki taabori nkitoria e Kristo, nepiki taa inia Kerai e Nkai taabori nkitoria e Nkai, paa kore inia Ai naichoo nkerai enye nkitoria, neitore ꞉ninye katukul ntoki pooki.

Epeso 2:16

Neitutumoki lorere loo Lyiaudi o lkulie oreren Nkai te sesen ake obo to lmusalaba, neichu katukul mang'antiticho te inie.

Epeso 3:10

Neyielou taa taata ꞉lolo oaata nkitoria o nkitoo te chumata, ng'eno nagut e Nkai ee mpukunot kumo aimu nkanisa.

Epeso 3:19

Kaomon Nkai payie ipuonunu aayielou inia chaman e Kristo narepaa yielounoto pooki, payie ebaya katukul inia kipirte e Nkai taatua ntae.

Epeso 4:10

Kore ilo laa ninye otodoyie alo lodo le nkop, naa ninye ake aitoki oiliepa arepaa keper e keper pooki, payie etum ninye ataa meata nemetii.

Epeso 4:12

payie erreteni sinyat meisiayia Nkai, neitubulu sesen le Kristo,

Epeso 4:13

ana matum pooki naboicho e nkurukoto o ne yielounoto e Nkerai e Nkai, nikibulu tenebo aabotoru ana matitiu katukul ana netiu Kristo.

Epeso 4:4

Keatae sesen obo o Ltau Sinyati obo, ana nara siligi oipotoka ntae Nkai obo.

Lkolosae 1:24

Kang'ida taata tee sinaitin laanyaita tankaraki natilika ntae Lomon Supati o sinaitin lewuon eng'or paatum laatiaka apa Kristo meata ajo maimaa tankaraki reteto natum sesen lenye, aa taa nkanisa, naa inia ake aitabarita.

Lkolosae 2:19

Nemeibung'are ꞉ninye Kristo, laa ninye nkue naa te ninye ebulu sesen pooki ana naitubulu Nkai. Keitubulu ilo sesen eramat neruburub too mpit o too marloochi.

Lkolosae 3:11

Meatae ajo loo Lgirriki ira anaa loo Lyiaudi, anaa ltung'ani otumurataki tanaa leitu emurati, lomoni anaa ltung'ani leiching'a, ira rrindik anaa mira rrindik. Kristo oara pooki toki naa ninye otii pooki!

Lkolosae 3:15

Enchoo metaa seriani e Kristo naitore atua ltauja linchi. Keipotokaki ntae inia seriani, irara le sesen obo. Entaa sii loaata nache.