Epeso 1:19 - Samburu

¹⁹ o nowua ngolon enye nemeata lnyanyukie naasicho too iyioo ooiruko. Kore inia golon naa ngolon e nkidimata enye kitok,

Epeso 1:19 ပူးပေါင်းရင်းမြစ်များ

Yoana 3:6

Kore loiu ꞉ltung'ani naa le sesen, naa kore loiu ꞉Ltau Sinyati naa la Ltau.

Asat 26:18

tobolo nkonyek enche nichuku taatua naimin apik atua wong'an. Impung'unyie taatua nkitoria e Chitani achukoki Nkai, netum mpalikinoto ee ng'ok o mpaach enche taatua lolo ooitisinyaki tankaraki naairuko nanu.>

Rroman 1:16

Madol nanu anyit too Lomon Supati, amu ninche ngolon e Nkai naitejeu pooki ng'ae ooiruk, ang'asu too Lyiaudi neitoki Lgirriki.

2 Lkorinto 4:7

Ltung'ana ake oaachal kira iyioo ootuwuana motioo ee nkulupo, kake keichooki iyioo ana toki e tipat, payie eibalai ajo kore ana golon nemeitoki eitinyunyukieki naa Nkai eing'uaa mara iyioo.

2 Lkorinto 5:17

Naaku kore tenetii ltung'ani atua Kristo, netaa ntoki ng'ejuk, echomo napa musana, nelotu ng'ejuk.

Epeso 2:10

Amu ninye oitaa iyioo nikitiu taata, aitibir iyioo taa nkaik enyena kitii atua Kristo Yeso payie kias asat supati, nana apake naaitibiraka iyioo mataas.

Epeso 3:20

Kore ilo oidim ataasa to ngolon enye naasicho taatua iyioo mbaa kutuaa naalang nikindim iyioo aatoomonu tanaa aataparrai,

Epeso 3:7

Naaichoo nanu ꞉Nkai to munyani enye mataa laisiaayiani loo kulo Omon Supati to ngolon enye naasicho.

Epeso 6:10

Kore mbae naidipie, entogolioto taatua Laitoriani o te ngolon e nkidimata enye.

Lpilipi 2:13

Amu Nkai naasicho taatua ntae aicho ntae yieuna o nkidimata payie eitabari inia nayieu ninye.

Lpilipi 3:21

Naa keibelekeny seseni lang oaachal nemutari, metutuwuana sesen lenye le nkitoo, te inia golon enye naidimie ninye metipika ntokitin pooki taabori nkitoria enye.

Lkolosae 1:29

Naa kore payie etum inia atabai, kanyokita oleng to ngolon enye naasicho taatua nanu.

Lkolosae 2:12

Kore ana muratare naa ketaase apa payie eipatisi ntae, nenukari ntae inia kata o ninye te nkipatisa, neitipiuni aitoki ntae o ninye aimu nkurukoto te inia golon e Nkai naitipiwua ninye too lootuata.

1 Ltesalonike 1:5

Naa mara ake te rerei eotuo Lomon Supati lang nitii ntae, kake to ngolon o ta Ltau Sinyati o sipunoto nabore ajo kedede. Iyielolo sii netiu apa lwuenet lang kiwueni tenebo o ntae. Ikitowuana apa aiko nejia tankaraki ntae.

2 Ltesalonike 1:11

Kore tankaraki inia, naa ikiomonokita ntae nkata pooki payie eikenaki ntae Nkai ang looichiaakino te inia naipotieki ntae. Nikiomon aitoki paa kore mbaa pooki supati niyieuu o siaai linchi e nkurukoto, neitabaya to ngolon enye,

Yakobo 1:18

Kore apa te yieuna enye, neicho iyioo metiini nkata e are aimu rerei lenye odede, payie kiaku ltung'ana lenyena oogeluno taatua ntokitin pooki naitibira ninye.

1 Petero 4:11

Kore ilo olikoo rerei le Nkai, naa meata ajo melikoo ake inia najo ꞉Nkai. Kore ilo oisiaaicho naa meata ajo meeisiaaicho to ngolon naichoo ꞉Nkai, payie etumi aaichoo Nkai nkisisa to pooki toki aimu Yeso Kristo! Nenye nkisisa o nkitoo, ntarasi o ntarasi. Aamin.