Asat 9:39 - Samburu

³⁹ Neinyuototo Petero neirukurukore ninche. Kore payie ebau, neitidiri lgilata le nkaji e keper. Nepuonu nkoilia pooki nkalo ninye, eichirita neitoduaaya nankan naapaapaacha naaitibira Tabita ewuon apa etii tenebo o ninche.

Asat 9:39 ပူးပေါင်းရင်းမြစ်များ

Matayo 17:17

Newoliki ꞉Yeso ajoki, <>

Matayo 26:11

Kore laisinak naa icheche ake aata tenebo o ntae, kake mikicheche aata nanu.

Marko 14:8

Etaasa ninye naidim, eelie sesen lai lata tankaraki nukaroto ai, ewuon eng'or inia kata.

Luka 24:44

Nejoki ninche, <>

Yoana 12:8

Icheche ake aata laisinak tenebo o ntae kake mikicheche aata nanu.>>

Yoana 17:12

Kore apa ewuon atii nanu tenebo o ninche natirripo ninche taatua nkarna ino, inia arna nikinchoo. Katirripo ninche, nemeatae hoo lobo oimina mara ake ilo tung'ani ogelakino nkiminata, payie ebaya lkigerot.

Asat 1:13

Kore payie ejing ilo kerenket, neiliapaki lngilata le nkurupa owuenie chiaake ninche. Naa kulo tung'ana taa ootijing'a inie: Petero o Yoana o Yakobo o Andirea o Pilipo o Tomas o Batolomayo o Matayo o Yakobo layieni le Alpayo o Simon oji Silote o Yudas layieni le Yakobo.

Asat 20:35

Kore tee nenia pooki nataasa naa kaitodolita ntae ajo meata ajo mikiret loomena aas siaai oleng, kiparru rerei la Laitoriani Yeso payie ejo, >>

Asat 6:1

Kore eponunye looiteng'eni tee nenia perot, neichankarra Lyiaudi ooiro nkutuk ee Lgirriki o Lyiaudi ooiro nkutuk ee Lburania. Amu kore mperot pooki, naa keorokini ltung'ana ndaa, nejoito lolo ooiro nkutuk ee Lgirriki meichoritae aaitibiraki nkoilia enche ndaa.

Asat 8:2

Kake kore eyia, nenukaa ꞉lewa oourie Nkai Sitepano, neichir oleng tankaraki ninye.

Asat 9:41

Neirruaki ꞉Petero ninye nkaina neret meinyuo aitache. Neipotu sinyat le Nkai etii nenia oilia, neitodol ninche Tabita eichu.

2 Lkorinto 8:12

Kore tanaa keichooyo ltung'ani ta ltau supat, naaku keng'amaroi inia kichooroto enye teneitai te nkiririkinoto e inia naata, namara te nkiririkinoto e inia nemeata.

Epeso 4:28

Nchoo metaa meitoki ilo opurruchio apurrucho, kake nchoo eisiaaicho taa nkaik enyena, aas siaai supat payie etum atang'arie ilo otong'orika.

1 Ltesalonike 1:3

Kore tekue Nkai Papa lang naa ikiparru nkata pooki inia asata nitaasa to nkurukoto o siaai ogol litonyuaa aas tankaraki nchaman o ninkoko tining'iriri ipikpik siligi linchi atua Laitoriani Yeso Kristo.

1 Ltesalonike 4:13

Lalachera o nkanachera, mikiyieu naaku miyielolo mbaa ee lolo alachera ooilurate, payie misinanionio ana lolo lemeata siligi.

1 Timoti 5:3

Iyanyita nenia oilia nemeata ltung'ani oibung'uta.

1 Timoti 5:5

Kore nkoiliai nemeata ltung'ani oibung'uta, natung'ayieki aa ninye apeny, naa ketipika siligi lenye Nkai elej neomon kuarie o parkiji meichoo reto.

1 Yoana 3:18

Nakera ainien, mikiaku loaacham to nkutuk o te rerei ake, kake matacham taa asat o te ndedei!