Asat 9:29 - Samburu

²⁹ Neirorie eichankarrare lolo Yiaudi ooiro nkutuk ee Lgirriki, kake kore ninche, nenyok aajo entar ninye metua.

Asat 9:29 ပူးပေါင်းရင်းမြစ်များ

Asat 11:20

Kake kore lewa lbata loo lolo tung'ana ooing'uaa apa Saipiras o Kirene, oochomo Antiok, neng'asu aaliki ltung'ana loo Lgirriki Lomon Supati la Laitoriani Yeso.

Asat 17:17

Naa kore te Sinagogi neimaki o Lyiaudi o ꞉lolo oourie Nkai lamara loo Lyiaudi, nemeata sii mparri neitu eimaki te nemirichiereki o ltung'ana ootumo teinie.

Asat 18:19

Kore payie ebaya ninche Epeso neing'uaa Prisila o Akuila, nelo ninye ajing sinagogi neirorie Lyiaudi.

Asat 19:8

Kore taa lapatin okuni nejing Paulo sinagogi, neirorie te mpijan ltung'ana ootii inie eimaki, neiteyielo sipat ee mbaa naaipirita Nkitoria e Nkai.

Asat 6:1

Kore eponunye looiteng'eni tee nenia perot, neichankarra Lyiaudi ooiro nkutuk ee Lgirriki o Lyiaudi ooiro nkutuk ee Lburania. Amu kore mperot pooki, naa keorokini ltung'ana ndaa, nejoito lolo ooiro nkutuk ee Lgirriki meichoritae aaitibiraki nkoilia enche ndaa.

Asat 9:27

Neyau ꞉Barnabas ninye netii lkipaareta, neliki ninche neikuna Saulo eloito to nkoitiei payie edol Laitoriani, o inia natiaka ꞉Laitoriani ninye. Neitoki aliki neikuna Saulo payie elikoo ta Damasikas meata ngureticho ta nkarna e Yeso.

Asat 9:28

Naaku, newuon Saulo tenebo o ninche te Yerusalem eata lakunoto, elikoo ta nkarna e Laitoriani meata ngureticho.

2 Lkorinto 11:26

Kalo echi oleng nkopi kumo, naajo nkare iwa tee seriak, naajo lapurrok o ltung'ana lainien o loo lkulie oreren entar matua. Katumo ana tee lkerenketi o te lkees o ta mpaso, o taa lalachera le sapare.

Yuda 1:3

Lacham lainien, kore abaki aata yieunoto oleng naigerokinyie ntae naipirita ana jeunoto niking'ar, kadol ajo keirikino naigeroki ntae, alej payie inyoknyok aanya larrabal le inia kurukoto nemeibelekenya aikata, naitarasakaki apa sinyat le Nkai.

Yuda 1:9

Kake kore abaki Mikael ilo kitok laa lmalaikani, eorro sesen le Musa o Chitani, naa eitu emen ninye nedung'oki nkiguana, kake ketejo, <>