Asat 8:13 - Samburu

¹³ Neiruk abaki ꞉Simon ninye neipatisi, neirukurukore Pilipo ng'oji pooki nelo. Naa kore edolita mbaa kutuaa naasita Pilipo, naaitodolu nkitoo e Nkai o mbaa e nking'asia, neing'asia.

Asat 8:13 ပူးပေါင်းရင်းမြစ်များ

Matayo 3:6

Neipatis ninche te sere e Yordan, eibalie ꞉ninche ng'ok enche.

Marko 16:17

Naa kuna nkitodolunot naaku tenebo o lolo laairuk nanu. Kore ta nkarna ai naa kearaa lairiruani meipung'o neiro too nkutukie ng'ejuko,

Luka 8:13

Kore lootii lkarkar naa lolo ooning, laa kore tenening ilo rerei neng'amaa te ng'ida. Kake meata ninche ntana, keiruk nkiti kata, kore payie etum ntemat nerriaa.

Yoana 5:20

Amu kecham ꞉Papa Nkerai enye, neitodol inia pooki naas. Neitodol sii ninye mbaa kutuaa naalang kuna payie ing'asiasia ntae.

Yoana 7:21

Nejoki ꞉Yeso, <

Asat 13:44

Kore ta Sabato naijipu, nedotunyie lkerenket pooki ainining rerei la Laitoriani.

Asat 19:11

Neas Nkai mbaa e nking'asia kutuaa taa nkaik e Paulo,

Asat 3:10

neyielou aajo lochi tung'ani chiaake ele owuon aomonicho to nkutuk e ltim le nkaji e Nkai oji supat. Neing'asia ninche oleng, inia nataase te ninye.

Asat 8:21

Kore iyie naa meata ntoki ning'ar o iyioo tana kitoria, nemeata ntoki nitum, amu kore niparraa ta ltau lino naa mara supat tekue Nkai.