Asat 7:25 - Samburu

²⁵ Nejo ninye kebaki naa kedol lolo alachera lenyena le Isirael aajo keichoo ꞉Nkai ninye meitejeu ninche te rrindikicho, kake eitu edol ꞉ninche.

Asat 7:25 ပူးပေါင်းရင်းမြစ်များ

Marko 9:32

Kake eitu eyielou ꞉looiteng'eni lenyena nejoito, neturia sii eipar ninye.

Luka 18:34

Naa eitu eyielou ninche hoo toki too kuna baa. Amu keisudoyieki kipirte ee kuna baa tee ninche, neitu ening'u inia najoito ninye.

Luka 9:45

Kake eitu ening'u ninche ilo rerei, amu keisudoyieki payie mening'u ninche. Neurie eipar ninye inia.

Asat 14:27

Kore payie ebaki ninche inie, neiturrurru nkanisa pooki tenebo, neliki ntoki pooki naitaasa ninche ꞉Nkai, neliki aajoki, ketoboloka ꞉ninye lkulie oreren nkoitiei payie etum aairuko laitoriani.

Asat 15:4

Kore payie epuonu Paulo o Barnabas Yerusalem, neng'amaa ꞉nkanisa o Lkipaareta o lpayiani ninche. Neliki mbaa pooki naataasie Nkai ninche.

Asat 15:7

Kore payie eichankarra ninche tana bae nkata naado, neinyuototo Petero aiguan ninche nejoki, <

Asat 21:19

Kore eidipa Paulo airoroki ninche, nenyaki ntoki pooki nataasa Nkai te siaai lenye taatua Loreren.

Asat 7:24

Nedol lobo lenche erita ꞉ltung'ani loo Lmisiri, nelo ajing ninye nkoriong, neitalak aar ilo tung'ani loo Lmisiri metua.

Asat 7:26

Kore mparri naijipu inia, netum ꞉Musa ltung'ana oare loo Isirael era, nejo ntemeleta ninche ajoki,

Rroman 15:18

Amu meatae ntoki naitieu airoro mara ake inia nataasa Kristo ta nanu, payie etum loreren aayanyita Nkai. Kaatasichere ninye tee rereii o taa asat

1 Lkorinto 15:10

Kake kara nanu ntoki nara tankaraki munyani e Nkai, naa kore inia munyani naaichoo Nkai, eitu eaku ne pecheu. Katonyua alang ninche pooki, naa mara nyuata ai nataasa inia, kake munyani e Nkai nati tenebo o nanu.

1 Lkorinto 3:9

Amu laisiaayiak le Nkai oaasicho tenebo kira iyioo, nirara ntae lchampa lenye o nkaji natecheta ninye.

2 Lkorinto 6:1

Kore kiasicho tenebo o Nkai, ikintaarriyian ntae payie meaku munyani e Nkai nitang'amaitie ne pecheu.

Lkolosae 1:29

Naa kore payie etum inia atabai, kanyokita oleng to ngolon enye naasicho taatua nanu.