Asat 5:14 - Samburu

¹⁴ Kake kore eyia ketoponunye ltung'ana kumo oiruko Laitoriani, lewa o ntomonok.

Asat 5:14 ပူးပေါင်းရင်းမြစ်များ

Asat 11:24

Kore apa Barnabas naa kera ltung'ani supat, obore Ltau Sinyati o nkurukoto. Neponikino ltung'ana kumo oleng atua ilo turrur la Laitoriani.

Asat 2:41

Kore apa lolo pooki oaatang'amaitie ilo kilikuai lenye, neipatisi. Neikenakini inia parri atua lolo tung'ana lolo ooiruko Kristo, matejo ltung'ana nkalupuni uni.

Asat 2:47

eisis Nkai netumo omom too ltung'ana pooki. Neponiki Laitoriani mparri pooki lolo ooitejewuaki atua ilo turrur lenche.

Asat 22:4

Naitama sina lolo oiruko ana Oitiei ng'ejuk e Nkurukoto, lewa o ntomonok, aaibung nairriki jila naar abaki metuata.

Asat 4:4

Kake kore lkumo loo lolo ootining'o ilo rerei lenche neiruk, neponunye looiruko Yeso metaa matejo lewa nkalupini imiet.

Asat 6:7

Nebulaa rerei le Nkai oleng, nesioki lturrur loo looiteng'eni aaponunye te Yerusalem, neibung ꞉laitainok kumo la lasar inia kurukoto.

Asat 8:12

Kake kore payie eiruk ꞉ninche Pilipo olikita Lomon Supati ooipirita nkitoria e Nkai o nkarna e Yeso Kristo, neipatisi ninche, lewa o ntomonok.

Asat 8:3

Nejing'aa ꞉Saulo nkajijik enyok aaraa ltung'ana le Nkai, neibung lewa o ntomonok, nepik jila.

Asat 9:2

neomon ninye meigeroki mpala naaya Sinagogini pooki e lkerenket le Damasikas, metaa tenetum ꞉ninye ltung'ana ooirukurukore nkoitiei e Yeso, pee era lewa anaa ntomonok, neibung aya Yerusalem.

Asat 9:31

Kore apa inia kata, keata nkanisa seriani ta mbata e Yudea o ne Galilaya o ne Samaria pooki. Nelo kue ebulu to uriata e Laitoriani eitogol neitarriyian ꞉Ltau Sinyati, neaku ltung'ana kumo.

Asat 9:35

Kore lolo tung'ana pooki oaamanya lkerenket le Lida o ang'ata e Charon, nedol ilo tung'ani otigilgile eichiwua, neibelekenya aairuk Laitoriani.

Asat 9:42

Nening ltung'ana pooki le Yopa inia nataase, neiruk ꞉lkumo Laitoriani.

2 Lkorinto 6:15

Kening'o Kristo o Chitani? Tana kaa chula eata loiruko Kristo o leitu eiruk?

Lgalatia 3:28

Kore taatua Laitejeunoni Yeso, irara ntae pooki ntoki nabo, meatae ajo Lyiaudii ira anaa ltung'ani loo loreren, rrindik anaa ilo lamara rrindik, lee anaa ng'oriei.