Asat 4:36 - Samburu

³⁶ Netii apa ltung'ani la lmarei laa Lawi oing'uaa lkuran oji Saipiras, oji nkarna Yosep. Kejo apa ꞉lkipaareta ninye Barnabas, laa keji laitogoloni.

Asat 4:36 ပူးပေါင်းရင်းမြစ်များ

Marko 3:17

o Yakobo layieni le Sebedayo o lalache lenye oji Yoana, oichoo ninche nkarna naji Boanerges aa keji layiok le nkurrukurroto

Asat 11:30

Neas ninche inia natamakinete, neitanap Barnabas o Saulo inia reto meeyaki lpayiani le nkanisa.

Asat 12:25

Kore payie eidip Barnabas o Saulo aaichooi naduo reto te Yerusalem, nechuko eata Yoana oitokini aajo Marko.

Asat 13:1

Kore apa ta nkanisa e Antiok naa keatae loibonok le Nkai o laiteng'enak aa Barnabas o Simion oji Lorok o Lusio lo lkerenket oji Kirene o Saulo o Manaen otubulua tenebo o Erode oara apa larikoni le Galilaya.

Asat 13:15

Kore tesiedi nochi kata naisomi mbuku ee nkitanapat o loibonok le Nkai, neirruaaya ꞉lkutuaa le Sinagogi meipotuni ninche ejo, <>

Asat 13:2

Kore esaita ꞉ninche Laitoriani neteena nkutukie, nejoki ꞉Ltau Sinyati, <>

Asat 13:4

Kore naa payie eirruaaya ꞉Ltau Sinyati Barnabas o Saulo, nedoyio aapuo lkerenket le Seleusia, neitoki aapuo te meli lkuran oji Saipiras.

Asat 15:12

Kore inia kiguana pooki negira ajo tau aainining Barnabas o Paulo enyau mbaa pooki naataasa Nkai taatua loreren, aasichere ninche metaasa asat naaitodolu nkitoo enye o mbaa e nking'asia.

Asat 15:2

Neichankarrare ꞉Paulo o Barnabas lolo tung'ana oleng. Negeluni Paulo o Barnabas tenebo o lkulie alachera meiliepa aapuo Yerusalem aayaki lkipaareta o lpayiani le nkanisa ana bae.

Asat 15:37

Naa keyieu apa Barnabas neya Yoana oitokini ajo Marko tenebo o ninche,

Asat 15:39

Nejing'u Paulo o Barnabas nchankar nairewua, neroyie aaoro. Nerik ꞉Barnabas Marko nepuo lkuran oji Saipiras te meli,

Asat 21:16

Nepuonu lbata loo lolo ooiteng'eni te Kaisaria tenebo iyioo, nerik iyioo matewueni ta nkaji e Nason. Kore apa ninye naa ltung'ani oing'uaa Saipiras, nera lobo loo looiteng'eni ooiruko tekue.

Asat 21:3

Kore payie kidol lkuran oji Saipiras, nikirepaa kinchorita kidienye, nikidoyio aalang'aki Tiro e nkop e Siria, nikintachoo meitodouni lkurupa te meli.

Asat 27:4

Kore payie kinyuototo teinie, nikijing atua mpaso, kake kore tankaraki nanang'are iyioo siwuo kitok, nikipuo aim mbata ilo kuran oji Saipiras nemekut siwuo kitok.

Asat 9:27

Neyau ꞉Barnabas ninye netii lkipaareta, neliki ninche neikuna Saulo eloito to nkoitiei payie edol Laitoriani, o inia natiaka ꞉Laitoriani ninye. Neitoki aliki neikuna Saulo payie elikoo ta Damasikas meata ngureticho ta nkarna e Yeso.

1 Lkorinto 14:3

Kake kore lolo ooitai naibon e Nkai naa ltung'ana eirorie aaitogol, nerreten, neilejilej.

1 Lkorinto 9:6

Tana Barnabas o nanu aapeny echi ooichiaakino payie eas siaai likitumie ndaa nikinya?

Lgalatia 2:1

Kore aitoki pee eich larin tomon o ong'uan, nailiep aitoki alo Yerusalem tenebo o Barnabas. Narik sii Tito.

Lgalatia 2:13

Kore lolo kulie Yiaudi, nechulare ninye te nkitaakino enye, ana meitopong'ori sii Barnabas te nkitaakino enche.

Lgalatia 2:9

Kore aitoki payie eyielou munyani naaichooki nanu, Yakobo taa o Kepa o Yoana, lolo ooyieloi aajo kera lng'opeta, naang'amaa nanu o Barnabas, eitodolu aajo iking'ar ele siaai, payie kipuo iyioo aabaki loreren, nepuo ninche netii loomurata.

Lkolosae 4:10

Eiroroki sii ntae lboitiei lai Arisitarko oteenaki tenebo o nanu, o Marko apiyio le Barnabas oitaarriyianakaki apa ntae aajoki kore tanaa kelotu nitii, entang'amai!