Asat 3:23 - Samburu

²³ Naa kore pooki lemening ilo oiboni, neworieki ltung'ana le Nkai neidaaya.>

Asat 3:23 ပူးပေါင်းရင်းမြစ်များ

Marko 16:16

Kore loiruk naa keipatisi, neitejeuni. Naa kore ilo lemeiruk, nedung'okini nkiguana torno.

Yoana 12:48

Kore ilo laany nanu namaang'amaa, naa keata lodung'oki ninye nkiguana, ilo rerei lairoro odung'oki ninye nkiguana ta mparri e nkiting'oto!

Yoana 8:24

Naa katiaka ntae iyeye taatua ng'ok inchi, amu tinimikurukuruk aajo kara nanu ilo lara naa iyeye taatua ng'ok inchi.>>

Asat 2:41

Kore apa lolo pooki oaatang'amaitie ilo kilikuai lenye, neipatisi. Neikenakini inia parri atua lolo tung'ana lolo ooiruko Kristo, matejo ltung'ana nkalupuni uni.

Lburania 10:39

Kake mikira iyioo lolo ooiwuatuwuata aarrinyo siedi, kake ikiata nkurukoto naa ikitum nkichui ee ntarasi neiteng'elakaki iyioo.

Lburania 12:25

Entodol naa ake emiany ilo oirorita amu tanaa eitu eim aras e kumojik ꞉lolo oaatanya ening Nkai eirorie to nkop, meata naa sii nikinko iyioo tinikilany ninye, tinikiany kining ltoilo lenye oing'uaa chumata.

Lburania 2:3

kaji kipokie iyioo tinikintololoki ana jeunoto nawuenyi natilimua apa Laitoriani, neitisipaki aitoki iyioo ꞉lolo ootining'o apa Laitoriani tee nkiyiaa enche?

Mbolunoto 13:8

Kore ltung'ana pooki oaamanya nkop nesai ninye, lolo leitu eigeri apa nkarn enche ewuon eitu eitamanyuni nkop to mbuku ee lolo oaata nkichui ee ntarasi, inia buku e Lkuo leker otaraki apa metua.

Mbolunoto 20:15

Kore ake ltung'ani lemeigero nkarna enye to mbuku ee lolo oaata nkichui ee ntarasi, nenang'akini lbalbal le nkima.