Asat 28:30 - Samburu

³⁰ Kore taa larin oare, newuon Paulo te inia aji nalaki, neitoomon lolo pooki ootuo netii.

Asat 28:30 ပူးပေါင်းရင်းမြစ်များ

Yoana 1:39

Newoliki ajoki, <> Nepuo ninche aadol inie newuenie ꞉ninye. Kore inia kata naa kenyikaa aaku saai oong'uan e siran, naa ketowuana tenebo o ninye inia parri.

Asat 19:21

Kore eicha kuna baa, nedung ꞉Paulo ta ltau lenye ajo kelo Yerusalem, aim nkop e Makedonia o ne Akayia. Nejo, <>

Asat 24:27

Kore payie eim larin oare, nejing Porkio Peseto mpaach ee Pelikis, naa kore tankaraki nayieu apa ꞉Pelikis neiting'id Lyiaudi, neing'uaa Paulo eena.

Asat 28:16

Kore payie kibau Rrom, neichori Paulo metowuana ta nkaji apeny, neata ꞉sikarii orrip ninye.

Asat 28:31

Nelikoo ninye lomon le nkitoria e Nkai, neiteng'en mbaa naaipirita Laitoriani Yeso Kristo meata hoo ngureticho, nemeata ltung'ani oibooyie ninye.

Rroman 15:32

niomonmon payie atum ayeu aata ng'ida echam Nkai, nayeng'iyeng'a tenebo o ntae.

2 Lkorinto 11:23

Kera ninche laisiaayiak le Kristo? Kore tanairo aiko nchi, naa kairorita ana lmadai. Kara laisiaayiani lenye alang ninche, natonyuaa aas siaai alang ninche. Kaateenaki te jila alang ninche, naaidong'oki alang ninche, natinyikaka nkatitin kumo lkiye.

2 Lkorinto 6:5

Iking'iri sii iyioo ana laisiaayiak le Nkai teneidong'i iyioo neeni te jila o tenetum iyioo lturrurri loo ltung'ana ooricho o tinikinyok aas siaai te nkinyinyiret o tinikilau njuo o tinikiata sumach.

Lpilipi 1:13

payie etum sikarini pooki le Kaisari o ltung'ana pooki otii ene aateyielo aajo kaena tankaraki Kristo.

2 Timoti 1:17

amu kore abaki payie ebau ninye Rrom, naanyok ayiaya ana maatum.

2 Timoti 4:2

tilikoi rerei le Nkai. Tonyuaa tilikoi ta nkata naichiaakino o ta nkata nemeichiaakino, tobuaaki ltung'ana, ntaarriyiana, nintogol. Taasa kuna baa, te ng'iriata kitok ninteng'enicho mbaa pooki.