Asat 27:6 - Samburu

⁶ Neirrachu ilo kitok loo sikarini meli naing'uaa Alekisandiria naloito Itali neitidir iyioo.

Asat 27:6 ပူးပေါင်းရင်းမြစ်များ

Asat 18:2

Netum teinie Lyiaudii oji Akuila le nkop naji Pontos, lowuon era omoni eing'uaa nkop e Itali, o ntomononi enye naji Pirisila. Amu kore apa Kilaudio oara Kaisari inia kata, naa ketejo meata ajo mepuo Lyiaudi pooki aaing'uaa Rrom. Nelo Paulo adol ninche,

Asat 18:24

Nelotu inia kata Epeso ltung'ani obo loo Lyiaudi oji Apolos ootiwuaki te lkerenket le Alekisandiria. Kore apa ninye naa kera arriyia neyielo oleng Lkigerot Sinyat.

Asat 27:1

Kore payie eimieki aajo ikidir meli aapuo nkop e Itali, nepiki Paulo o lkulie tung'ana ooteenaki tenebo o ninye nkaik e lkitok oji Yulias, oitore lturrur loo sikarini ooirrita Kaisari.

Asat 28:11

Kore payie kiwueni lapatin okuni te inia kop, nikidir meli natowuana teinie inia ng'amata e nkirobi, naing'uaa Alekisandiria, natii nkomom enye nkitanyanyukoto ee nkaitok are naaji Kasita o Polos.

Asat 6:9

Neatae apa Sinagogi nabo naji nee rrindiki oaatalakuaki. Netii inie ltung'ana ooing'uaa lkerenket le Kirene o le Alekisandiria o lolo ooing'uaa nkop e Kilikia o Asia. Neinyuototo lbata lenche aaichankarrare Sitepano.