Asat 27:41 - Samburu

⁴¹ Kake neikub inia meli ꞉soit le atua nkare neitache meigusgus nkue eibokito ilo soit. Neng'asu siedi agiligila tankaraki nanang'ita ꞉lolo aing'ok le nkare.

Asat 27:41 ပူးပေါင်းရင်းမြစ်များ

Asat 27:17

Kore payie kintidiru inia meli, neng'asu lolo tung'ana aayen inia meli sapuk too lgiitani payie egolu. Naa kore amu keurie aajo kebaki nereu inia meli ꞉lkutati metara ꞉ilo sunyai le ng'oji naing'urare nkop e Libia, neitodoyio lkonchoor payie eitacheyie meli teneiseyie inie. Neicho inia meli meterewa ꞉ilo kutati.

Asat 27:30

Nenyok lolo tung'ana oaas siaai te inia meli aajo empung'o aaisig taatua inia meli, neitodoki nadei meli kini atua nkare eitaakino kepuo aaitodoyio lgiitani ooenikino ntokitin naairochi, ootii kue e inia meli kitok.

Asat 27:40

Nelaku lolo lgiitani ooenikino ntokitin naairochi naaitacheyie meli, neing'uaa taatua mpaso, neitololong inia toki narewueki meli metodoki mpaso. Kore payie eipirie inia anka natii kue e meli meibung'a siwuo, nereu meli inia chepata natoduaa.

Asat 27:42

Nemut sikarini aajo kear lolo mampuusi metuata payie metum mpaach nalopie nkare aaisig.

1 Lkorinto 15:58

Naaku taa lalachera o nkanachera ainien nacham, entacho katukul, emungusugus. Entibik nkata pooki ing'idakinono nkisiaayiare e Laitoriani, amu iyielolo aajo mara pecheu siaai linchi taatua Laitoriani.