Asat 27:35 - Samburu

³⁵ Kore payie eidip atejo nejia, nerrapu mukate, nerrinyoki Nkai nache tekue ninche pooki negil, neng'asu anya.

Asat 27:35 ပူးပေါင်းရင်းမြစ်များ

Matayo 14:19

Neitanap ltung'ana metowuana too nkujit. Neitoki arrapu nenia mukateni imiet o sinkirri pukura oare, neimariri chumata, nemayian. Naa kore payie egil nenia mukateni, neicho looiteng'eni lenyena, neitabaki ꞉ninche ltung'ana.

Matayo 15:36

Nerrapu nenia mukateni sapa o sinkirri, kore payie eidip aichoo Nkai nache, negil, neicho looiteng'eni lenyena. Neitoki ꞉ninche aaicho ltung'ana.

Marko 8:6

Neitanap ꞉Yeso ilo turrur metowuana to nkop. Nerrapu nenia mukateni sapa. Kore payie eidip aichoo Nkai nache, negil neicho looiteng'eni lenyena metooriki ltung'ana, neas ninche nejia.

Luka 24:30

Kore etowuana ninye te misa aanya ndaa tenebo o ninche, nerrapu mukate, nemayian, negil, neicho ninche.

Yoana 6:11

Nerrapu ꞉Yeso naaduo mukateni, neicho Nkai nache, neoroki ltung'ana pooki oowueni teinie. Neitoki aiko nejia sinkirri, neicho ꞉ltung'ani pooki ana nayieu.

Yoana 6:23

Nepuonu nkuti melin eing'uaa Tiberias nkalo ng'oji netamie ltung'ana mukateni, eidipa Laitoriani aichoo Nkai nache.

Rroman 1:16

Madol nanu anyit too Lomon Supati, amu ninche ngolon e Nkai naitejeu pooki ng'ae ooiruk, ang'asu too Lyiaudi neitoki Lgirriki.

Rroman 14:6

Kore ilo odol ajo keata nkai parri tipat alang nkulie, naa keas inia payie etum ayanyita Laitoriani. Naa kore sii ilo oanya nkiri, neas inia payie eyanyit Laitoriani, amu keata nache ta Nkai. Naa kore sii ilo lemenya nkiri, neyanyit Laitoriani menya nkiri, neata sii ninye nache ta Nkai.

2 Timoti 1:12

Naa inia payie aanyaita kulo sinaitin, kake kore eyia, madol hooyia anyit, amu kayielo ilo lairuko naata sipata ajo, kore inia natipika nkaik aainien naa keidim airrita ana metabau inia parri.

2 Timoti 1:8

Naaku midol anyit tinimbalie inia sipata niata naipirita Laitoriani lang, tanaa sii kiduaaki nanu anyit, oena tankaraki ninye. Kake tama sina tenebo o nanu tankaraki Lomon Supati, te nkiririkinoto e ngolon nikinchoo ꞉Nkai.

1 Petero 4:16

Kake teneatae lobo linchi oitamaki sina tankaraki nara le Kristo, mincho edol anyit, kake nchoo eisis Nkai tankaraki naipotieki inia arna.