Asat 27:29 - Samburu

²⁹ Kore tankaraki naurie ninche aajo kebaki naa keitanang ꞉lkutati meli soito nkocheke, neitodoyio te siedi e meli lgiitani oong'uan ooenikino ntokitin naairochi payie eitacheyie inia meli. Neyieuu ꞉ninche nesioki aikenyu.

Asat 27:29 ပူးပေါင်းရင်းမြစ်များ

Asat 27:17

Kore payie kintidiru inia meli, neng'asu lolo tung'ana aayen inia meli sapuk too lgiitani payie egolu. Naa kore amu keurie aajo kebaki nereu inia meli ꞉lkutati metara ꞉ilo sunyai le ng'oji naing'urare nkop e Libia, neitodoyio lkonchoor payie eitacheyie meli teneiseyie inie. Neicho inia meli meterewa ꞉ilo kutati.

Asat 27:26

Kake meata ajo meidakie ꞉lkutati ana meli te likae kuran.>>

Asat 27:28

Nesaan ninche neba nguton e nkare, neaku putii 120. Neitoki aasaan neaku putii 90.

Asat 27:30

Nenyok lolo tung'ana oaas siaai te inia meli aajo empung'o aaisig taatua inia meli, neitodoki nadei meli kini atua nkare eitaakino kepuo aaitodoyio lgiitani ooenikino ntokitin naairochi, ootii kue e inia meli kitok.

Lburania 6:19

Ikiata ele siligi laa ltauja lang errapa neisiligai, netuwuana lgiitani ooenikino senkei nkue naenieki meli payie meya nkare. Kore ilo siligi naa keuno to Ng'oji sinyati naaisul pooki, te idia alo inia anka naor apa ng'oji sinyati o ng'oji sinyati nalang pooki ta nkaji e Nkai,