Asat 23:10 - Samburu

¹⁰ Neaku inia nchankar kitok, neguretu laduo kitok loo sikarini pooki ootalakua duo Paulo, ejo kebaki naa keichu lolo tung'ana ninye. Nejoki sikarini meyau ninye teinie nabokata atua inia kampi enche.

Asat 23:10 ပူးပေါင်းရင်းမြစ်များ

Asat 21:37

Kore payie eaku keirriki ꞉sikarini Paulo atua kampi nawuenie ninche, neipar ꞉Paulo lkitok loo sikarini ajoki, <> Nejoki, <

Asat 22:24

nejo ilo kitok loo sikarini meawae Paulo atua kampi ee sikarini, aaiparichere eidong'i tee lichen meteyielo ilo kitok ajo aanyo payie ebuaakita ꞉ilo turrur ninye to ngoro aiko nejia.

Asat 23:16

Kore payie ening ꞉layieni le nkanache Paulo inia, nelo atua kampi ee sikarini neliki ninye.

Asat 23:27

Kore ele tung'ani naa keibung'a ꞉Lyiaudi nenyokita aajo entar, kake nairrachu o sikarini lainien namitu, amu kayewuo apa ayielou ajo kera ltung'ani oigero to nkop ee Rroman.

Asat 23:28

Naa kore apa amu kayieu nayielou larrabal oaatayie Lyiaudi ninye, naicho meitodouni aayau tekue inia kiguana ee larikok lenche.

Asat 23:32

Kore mparri naijipu inia, neicho ꞉laaduo sikarini oare kutuaa lolo sikarini loo mbartan mewa Paulo Kaisaria, nechuko ninche aapuo kampi nawuenie te Yerusalem.

2 Lkorinto 11:26

Kalo echi oleng nkopi kumo, naajo nkare iwa tee seriak, naajo lapurrok o ltung'ana lainien o loo lkulie oreren entar matua. Katumo ana tee lkerenketi o te lkees o ta mpaso, o taa lalachera le sapare.

Yakobo 1:19

Enteyielo naa, lalachera o nkanachera ainien nacham, nchere meata lobo linchi lemesioki aning nemeipirriki airo nemesioki sii agoro,

Yakobo 3:14

Kake kore tiniatata lom torno nirara ltung'ana laa ne maate ake enya, emiinkar ake nisapsap ate aajo kebaki neatae ndedei niatata.