Asat 21:27 - Samburu

²⁷ Kore payie eaku keichunye nenia perot sapa, nedol lkulie Yiaudi oing'uaa nkae bata e Asia Paulo taatua nkaji e Nkai, neinyoyie lturrur pooki meing'olng'olata, neibung ninye.

Asat 21:27 ပူးပေါင်းရင်းမြစ်များ

Luka 21:12

<

Asat 13:50

Kake nepuo Lyiaudi aajoki ntomonok naayanyiti neurie Nkai o lkutuaa le ilo kerenket mbaa nainyoyie yieuna naitamie Paulo o Barnabas sina, nemiraa ninche to nkop enche.

Asat 14:19

Nepuonu lkulikae Yiaudi ta Antiok o Ikoniam nerrepaki lolo tung'ana metara Barnabas o Paulo. Nenang Paulo aar too soito, neikurtutaa aaipung'ie taatua ilo kerenket ejo ketua.

Asat 14:2

Kake kore lolo Lyiaudi oaatanya eiruk, neinyoyie loreren meibaii looiruko Yeso.

Asat 14:5

Nenyok Lyiaudi o lolo kulie oreren o larikok lenche aaitam Lkipaareta sina nejo entar too soito metuata.

Asat 16:6

Neim Paulo o lboitieii lenyena inia kop e Paragia o ne Galatia, amu keibooyie ꞉Ltau Sinyati payie melikoo rerei to nkop e Asia.

Asat 17:13

Kore payie eitoki Lyiaudi le Tesalonike aayielou aajo ketilikoyie sii ꞉Paulo rerei le Nkai te Berea, nepuonu aainyoyie ltung'ana meeing'olng'olata teinie.

Asat 18:12

Kore era Galio larikoni kitok loo Rroman oitore nkop e Akayia, neinyuototo Lyiaudi tanaboicho aarare Paulo, neyau tekue nkiguana

Asat 2:9

Kore iyioo naa ikira le nkutuk ee Lpartian o nee Lmedes o nee Elamaiti, netii loaamanya Mesopotamia o Yudea o Kapadokia o Pontos o Asia,

Asat 20:19

Kaisiaayia Laitoriani to mborron pooki o te sina, natumo ntemat kutuaa tankaraki nayieu ꞉Lyiaudi payie aar matua.

Asat 24:11

Indim atisipu ajo eitu eim mperot tomon oare ailiepa nanu alo asai Nkai te Yerusalem.

Asat 24:18

Kore aasita inia, naatum lolo tung'ana atama ntasim naaitarropilieki ta nkaji e Nkai. Nemeatae ltung'ana ooiturrurrote tanaa ooing'olng'olete te inie.

Asat 26:21

Naa tankaraki ana payie aaibung'a ꞉Lyiaudi atii atua nkaji e Nkai naajo entar matua.

Asat 4:3

Neibung ꞉ninche Petero o Yoana, kake kore amu kemuto, neirriki atua jila meteperio ana meikenyu.

Asat 5:18

neibung lolo Kipaareta, neirriki atua jila e ilo kerenket.

Asat 6:12

Neinyoyie lolo omon ltung'ana o lpayiani o laiteng'enak loo nkitanapat metogoroto, neibung Sitepano aaitirrichaki, neyau tekue nkiguana ee larikok loo Lyiaudi.

Asat 6:9

Neatae apa Sinagogi nabo naji nee rrindiki oaatalakuaki. Netii inie ltung'ana ooing'uaa lkerenket le Kirene o le Alekisandiria o lolo ooing'uaa nkop e Kilikia o Asia. Neinyuototo lbata lenche aaichankarrare Sitepano.

2 Lkorinto 11:26

Kalo echi oleng nkopi kumo, naajo nkare iwa tee seriak, naajo lapurrok o ltung'ana lainien o loo lkulie oreren entar matua. Katumo ana tee lkerenketi o te lkees o ta mpaso, o taa lalachera le sapare.

1 Ltesalonike 2:16

amu kenyok aaibooyo iyioo payie mikirorie ltung'ana loo lkulie ochon metejeu. Naa keasai ana, payie eponari ng'ok enche aaboreii nkata pooki. Kake kore taata tesiedi, naa eyewuo ngoro e Nkai netii ninche.