Asat 20:7 - Samburu

⁷ Kore ta mparri e Jumapili, nikitumo tenebo aagil mukate e ndaa e Laitoriani. Neirorie ꞉Paulo ltung'ana, naa kore amu keyieu apa nelo teneikenyu, neitoodor nkiroroto ana metaa kiji kuarie.

Asat 20:7 ပူးပေါင်းရင်းမြစ်များ

Marko 16:9

Kore pee epiu Yeso te siran e Jumapili, neipung'oki Maria Magadalena tekue. Kore Maria, naa ninye apa etaarayie ꞉Yeso lairiruani sapa meeipung'o.

Luka 22:19

Nerrapu mukate nerrinyoki Nkai nache, negil neicho ninche ejo, <>

Luka 24:35

Kore laaduo ooiteng'eni oare, neliki ninche lomon ootupukutua to nkoitiei o neikuna payie eyielou ninye inia kata payie egil mukate.

Yoana 20:1

Kore payie enyiku siran e Jumapili, ewuon emismis, nelo Maria Magadalena nkurarei, nedol ajo eiwuang'ieki soit to nkutuk e inia kurarei.

Yoana 20:19

Kore inia parri Jumapili teipa, naa keikeno inia aji naaiturrurrore looiteng'eni, tankaraki naurie larikok loo Lyiaudi. Nelotu Yeso neitache te nkiji enche nejoki, <>

Yoana 20:26

Kore payie eichunye uki nabo neitoki looiteng'eni aatumo tenebo taatua inia aji, netii sii Tomas tenebo o ninche. Kore eikeno inia aji, neipung'oki ꞉Yeso ninche nejoki, <>

Asat 16:10

Kore eidipa Paulo atoduaa inia duata, nikinyok nabokata aapuo Makedonia, kitoduaa aajo Nkai naipoto iyioo matiliki ninche Lomon Supati teinie.

Asat 2:42

Neibung ninche aitirrichaki nkiteng'ena ee Lkipaareta o nchula ee ltung'ana ooiruko Yeso o ngilata e mukate e ndaa e Laitoriani o nkomono.

Asat 2:46

Kore mperot pooki, nepuonu ninche aatumo tee lning'o taatua nkaji e Nkai. Negil mukate e ndaa e Laitoriani taa nkang'itie enche te ng'ida o taa ltauja supati,

Asat 20:11

Neitoki Paulo achuko ailiep, negil mukate e ndaa e Laitoriani, nenya pooki tenebo. Neitoki alo kue airorie ninche oleng ana meikenyu, neinyuototo alo.

Asat 20:31

Naaku naa entirripicho iparrurru aajo kore taa larin okuni eitu apal maitaarriyian pooki ng'ae linchi kuarie o parkiji aichirita.

Asat 20:5

Neituruk ninche pooki aapuo aanyu iyioo te Tiroa.

Asat 20:9

Newuon lbarnoti obo oji Yutiko to long'u le inia aji. Kore eitoodorita ꞉Paulo nkiroroto enye, neyiasai ilo barnoti neilura pii nesulari to nkurupa e uni e inia aji nikitii, nenang nkop. Kore payie errapuni, naaku ketua.

Asat 28:23

Negelu mparri natumore Paulo, naa kore inia parri, nepuonu inia aji natii ninye era kumo alang idia mparri naatuo apa. Kore ang'asu tasiran ana memuto, neliki lomon le nkitoria e Nkai, eliki sipata ee mbaa e nkitoria e Nkai. Kore easichere mbukuii ee nkitanapat e Musa o mbukuii ee loibonok le Nkai, nenyok aliki metining'u neiruk ninche aajo kore lomon ooipirita Yeso naa kedede.

1 Lkorinto 10:16

Kore tinikimayian lkikompe lemayian nkata e ndaa e laitoriani, mara iking'arita lodo le Kristo te ilo kikompe? Naa kore tinikigil mukate nikinyia, mara iking'arita sesen le Kristo te inia mukate?

1 Lkorinto 15:10

Kake kara nanu ntoki nara tankaraki munyani e Nkai, naa kore inia munyani naaichoo Nkai, eitu eaku ne pecheu. Katonyua alang ninche pooki, naa mara nyuata ai nataasa inia, kake munyani e Nkai nati tenebo o nanu.

1 Lkorinto 16:2

Kore ta mparri e Jumapili, kayieu neiwuang'ie ltung'ani pooki aiteng'el nkuti ropiyiani te risioroto ee ropiyiani naatang'amayie, paa kore tanabau naaku indipa aaiturrurru nenia ropiyiani.

2 Timoti 4:2

tilikoi rerei le Nkai. Tonyuaa tilikoi ta nkata naichiaakino o ta nkata nemeichiaakino, tobuaaki ltung'ana, ntaarriyiana, nintogol. Taasa kuna baa, te ng'iriata kitok ninteng'enicho mbaa pooki.

Mbolunoto 1:10

Kore ta mparri nabo e Jumapili, netuwuana kaidetidetita to ngolon e Ltau Sinyati, naning tesiedi nanu ltoilo otuwuana le mowuo.