Asat 20:35 - Samburu

³⁵ Kore tee nenia pooki nataasa naa kaitodolita ntae ajo meata ajo mikiret loomena aas siaai oleng, kiparru rerei la Laitoriani Yeso payie ejo, >>

Asat 20:35 ပူးပေါင်းရင်းမြစ်များ

Matayo 10:8

Enchiunyie ltamoyia, entipiu lootuata, enchiunyie metusupata lolo oaata nkeeya ee lbolot, niaraa lairiruani. Itang'amaitie ntae pecheu, naa enchooi sii ntae pecheu.

Asat 20:20

Niyielolo sii aajo meatae hoo ntoki naata tipat taa ntae naisudoyie. Kore tekue ltung'ana pooki o taa nkang'itie inchi naa katilikoyie naiteng'eniche Lomon Supati le Nkai,

Asat 20:27

Amu eitu hooyia aisudoo nanu eitu aliki ntae kipirte pooki natipika ꞉Nkai.

Asat 20:34

Iyielolo ntae aajo taa nkaik ainien maate aitaka koon o lboitieii lainien nenia nikiyieu.

Asat 20:36

Kore payie eidip atiaki ninche nejia, negil kung aomon tenebo o ninche pooki.

Rroman 15:1

Kore iyioo oogol to nkurukoto, keichiaakino tiniking'iri nchalan ee lolo oaachal, namara ake payie kinting'id ate.

1 Lkorinto 9:12

Kore tanaa keatae looichiaakino neng'amu reto taa ntae, mara iyioo naa eichiaakino oleng? Kake eitu chiaake kiyiaya iyioo inia naichiaakino iyioo. Alang nikias inia, niking'iri mbaa pooki payie mikimbooyo hooyia Lomon Supati le Kristo ta mbae ake naje.

2 Lkorinto 11:12

Kore ltung'ana ooyiaya mpaach naikarrie aajo kerisio o iyioo to nkoitiei naasie siaai, naa kayieu naoru ninche inia paach naikarie. Naaku kaas siaai le Nkai, naloito ake kue aas pecheu.

2 Lkorinto 11:9

Naa kore apa atii tenebo o ntae, eitu hoo aaku nkirochi to ltung'ani obo, abaki mabore. Amu kore lalachera ootuo eing'uaa apa Makedonia, naa ninche laatereto aicho ntoki pooki naatong'orika. Naaku eitu apake aaku nkirochi taa ntae, namaaku aikata!

2 Lkorinto 12:13

Amaa, taa oitiei eitu eikeni ntae alang nkulie anisani, mara ake te inia neitu aipotunyie ntae reteto ee ropiyiani? Mara kaomon ntae mpalikinoto eji atuwuana kaitarroyie?

2 Lkorinto 8:9

Amu iyielolo ntae munyani e Laitoriani lang Yeso Kristo, laa kore abaki era parakuoni netaa laisinani tankaraki ntae, paa kore aimu sina lenye neitaa ntae parakuo.

Epeso 4:28

Nchoo metaa meitoki ilo opurruchio apurrucho, kake nchoo eisiaaicho taa nkaik enyena, aas siaai supat payie etum atang'arie ilo otong'orika.

1 Ltesalonike 4:11

ninyoknyok aaitirring'a te nkichon inchi, niasias mbaa inchi, niasias sii aitoki siaai linchi to nyuata, tana apa nikintaarriyianakita ntae,

1 Ltesalonike 5:14

Lalachera o nkanachera, ikilej ntae! Eng'odia lolo lemeyieu neas siaai, entogolo lolo ootigilete ltauja, niretret loaachal tee seseni, ning'iriri too ltung'ana pooki.

Lburania 13:16

Mirikino ias supati tanaa ing'arichiere lkulie, amu kore asat naijo nenia naa lasar oiting'id Nkai.

Lburania 13:3

Entaparru lolo ooyena te jila atuwuana ienana o ninche, o lolo ooitamitae sina atuwuana ntae eitamitae.

3 Yoana 1:7

Amu kore lolo alachera, naa kechomo ninche tankaraki nkarna e Laitoriani meng'amaa ntoki taatua lolo leimeiruk inia arna.