Asat 20:22 - Samburu

²² Katudung'o taata ta ltau lai ajo kalo Yerusalem, namayielo mbaa naaipung'oki teinie.

Asat 20:22 ပူးပေါင်းရင်းမြစ်များ

Luka 12:50

Naa kaata naa nkipatisare nairirikino payie aaipatisieki, naa kaaitanyamalita ana meitabari kenya!

Luka 9:51

Kore payie enyiku mperot naailiepieki ninye aaya chumata, nemut ajo kelo Yerusalem.

Yoana 13:1

Kore ewuon eng'or ntasim e Pasaka, keteyielo Yeso ajo ketabawua saa enye payie eing'uaa ana kop nelo netii Papa lenye. Naa kore tankaraki nacham ꞉Yeso lolo lenyena tana kop, neitodol nchaman ana metua.

Yoana 18:4

Naa kore eyielo ꞉Yeso ntoki pooki nayieu ninche neitaas ninye, neipung'oki, neipar ajoki, <>

Asat 17:16

Kore ewuon Paulo te lkerenket le Aten aanyita ninche, nenyamalu ltau lenye oleng tankaraki ketoduaa ajo kebore ilo kerenket nkitanyanyukot e nkaitok kumo e sapare.

Asat 19:21

Kore eicha kuna baa, nedung ꞉Paulo ta ltau lenye ajo kelo Yerusalem, aim nkop e Makedonia o ne Akayia. Nejo, <>

Asat 20:16

Naa ketudung'o apa ꞉Paulo payie erepaa te meli Epeso payie meimalmal te Asia. Amu keyieu apa nesioyo alo Yerusalem, paa tanaa keidimai netii inie ta mparri nanyae ntasim e Pentekost.

2 Lkorinto 5:14

Naaku nchaman e Kristo naitore iyioo, amu ikitisiputua aajo ketanang'a ltung'ani obo ltung'ana pooki, naaku ketuata ltung'ana pooki.

Yakobo 4:14

Amaa iyiololo ntae netiu nkichoni inchi teisiere! Kore nkichoni inchi, naa inji etuwuana ana mpuro nalio nkiti nkata, neikenyu meatae.

2 Petero 1:14

amu kayielo ake ajo ketaa payie aper, ana /naaibalakinyie Laitoriani lang Yeso Kristo.