Asat 20:19 - Samburu

¹⁹ Kaisiaayia Laitoriani to mborron pooki o te sina, natumo ntemat kutuaa tankaraki nayieu ꞉Lyiaudi payie aar matua.

Asat 20:19 ပူးပေါင်းရင်းမြစ်များ

Luka 19:41

Kore naa payie enyikaki ꞉Yeso Yerusalem, nedol neichiraki

Yoana 12:26

Kore ꞉pooki ng'ae laaisiaai nanu, nchoo sii elo kue airukurukore nanu, payie eaku kore natii nanu netii sii laisiaayiani lai. Kore ꞉pooki ng'ae laaisiaai nanu, naa keicho ꞉Nkai nkanyit.

Asat 17:13

Kore payie eitoki Lyiaudi le Tesalonike aayielou aajo ketilikoyie sii ꞉Paulo rerei le Nkai te Berea, nepuonu aainyoyie ltung'ana meeing'olng'olata teinie.

Asat 17:5

Neiput Lyiaudi lom, neipotu lkuti tung'ana torrok taatua lolo lemeitoki easita te inie. Naa kore payie eiturrurru ltung'ana, neing'olng'ol ilo kerenket. Nepuo aagil nkaji e Yason eing'oru Paulo o Silas taatua inie payie eya tekue ltung'ana.

Asat 20:3

newuon teinie lapatin okuni. Kore etaa keinyuototo alang nkare alo Siria, neyielou ajo keyieita ꞉Lyiaudi neiko tenear ninye metua, nedung arrinyo alo aim Makedonia.

Asat 20:31

Naaku naa entirripicho iparrurru aajo kore taa larin okuni eitu apal maitaarriyian pooki ng'ae linchi kuarie o parkiji aichirita.

Asat 21:27

Kore payie eaku keichunye nenia perot sapa, nedol lkulie Yiaudi oing'uaa nkae bata e Asia Paulo taatua nkaji e Nkai, neinyoyie lturrur pooki meing'olng'olata, neibung ninye.

Asat 27:23

Kore ng'ole kuarie naa kaaipung'oka ꞉lmalaika le inia Ai nara lenye nara sii laisiaayiani lenye,

Rroman 1:1

Kore ana palai, naa nanu Paulo eing'uaa, laisiaayiani la Laitejeunoni Yeso, naaipoto ꞉Nkai mataa Lkipaaret naategelua matilikoi Lomon Supati lenyena.

Rroman 1:9

Amu Nkai naisiai chiaake ta ltau lai alikoo Lomon Supati le Nkerai enye, nayielo ajo mapal maipot ntae mparri pooki to nkomono ai.

Rroman 12:11

Nimichalulu, kake entaa loaata yieuna ninyokiekie taa ltauja, nisiaisiai Laitoriani.

2 Lkorinto 2:4

Naa kaigeroka ntae aata ltau oirochi nenyamal, naata lkiyioi namara payie aaitanyamal ntae, kake payie iyielou neba nchaman nacham ntae.

2 Lkorinto 3:5

Mikindim hoo aataparrai nikinko tinikias ele siaai eji atuwuana nkidimata ang kiasie, kake kore nkidimata ang naa Nkai eing'uaa.

2 Lkorinto 7:5

Amu kore abaki apa payie kibau Makedonia, nikining aajo mikiata seriani. Ikiata apa mbaa nikirare taa mbat pooki, eilemlemakita iyioo ltung'ana nikiata sii ngureticho.

Lgalatia 1:10

Amaa taata, rrepeta ayieita too ltung'ana, ana ta Nkai? Ana ltung'ana anyokita aiting'id? Tanaa apa ltung'ana ewuon aiting'idita, anata duo mara laisiaayiani le Kristo.

Epeso 6:7

Entaas siaai te ng'ida ana Laitoriani iasakitata namara ltung'ana,

Lpilipi 3:18

Amu katilika ntae ana bae nkatitin kumo, naa kaitoki ake taata aliki ntae too lkiyio, nchere keatae ltung'ana kumo oaara lmang'ati loo lomon ooipirita lmusalaba le Kristo.

Lkolosae 3:24

amu iyielolo aajo ing'amaa ntoki naisiligie ntae Laitoriani. Esiaayia naa Laitoriani Kristo.

1 Ltesalonike 1:9

Amu kore lolo tung'ana, naa keimakita ninkuna payie ing'amaa iyioo o ninkuna tinimbelekenyakinono Nkai, ning'uaa nkaitok e sapare, payie itumtum aaisiaayia inia Ai naichu nedede,

2 Timoti 1:4

Kore tanaparru lkiyio limbukoyie payie aaing'uaa, nayieuu naadol iyie payie atum ng'ida oleng.

Yakobo 1:2

Lalachera o nkanachera ainien, enting'idata katukul, tinitumtum saanat naapaapaacha,

1 Petero 1:6

Naa enting'idata te inia oleng, oo duo abaki aa meata ajo misinanionio tankaraki ntemat kumo niimaa te nkiti kata.

2 Petero 1:1

Kore ana palai naa keing'uaa Simon Petero, oara laisiaayiani o Lkipaaret le Yeso Kristo. Kairoroki ntae lolo oichoo ꞉Nkai meiruko ana mbae e tipat aajo, kore Nkai ang nara Laitejeunoni Yeso Kristo naa loosipat, ana ake taata nikiruk.

Mbolunoto 7:15

Naaku, inia payie eitachoo ninche tekue lorika le nkitoo. Neisiaai ninye kuarie o parkiji ta nkaji enye. Naa kore ilo owuon to lorika le nkitoo naa keigilu ninche arrip.