Asat 20:12 - Samburu

¹² Neyae ilo barnoti nkang eichu, neng'ida ꞉ninche oleng.

Asat 20:12 ပူးပေါင်းရင်းမြစ်များ

Asat 20:11

Neitoki Paulo achuko ailiep, negil mukate e ndaa e Laitoriani, nenya pooki tenebo. Neitoki alo kue airorie ninche oleng ana meikenyu, neinyuototo alo.

Asat 20:13

Kore iyioo lkulie nikinturuk aapuo aadir meli, nikipuo Asos payie kiya Paulo teinie, amu inia apa etudung'o ninye ayieu payie elotu tee nkejek.

2 Lkorinto 1:4

Ninye oitogol iyioo te sina pooki likiata, payie kitum sii aaitogolo lkulie teneimaa sina oje, te inia rreten naterretenie iyioo.

Epeso 6:22

Kaipaawua ꞉nanu ninye nitii tankaraki ana, payie itumtum lomon lang o payie etum sii ninye aitogolo ltauja linchi.

1 Ltesalonike 3:2

nikimpaaki ntae Timoti, lalache lang oisiaai Nkai tenebo o iyioo te likoroto ee Lomon Supati le Kristo, meitogolo neitaarriyian ntae to nkurukoto inchi.

1 Ltesalonike 4:18

Tankaraki inia, entogoloto naa ltauja linchi too lolo rereii.

1 Ltesalonike 5:11

Naaku entaarriyianata, nintogololo ltauja ana ninkunitata.

1 Ltesalonike 5:14

Lalachera o nkanachera, ikilej ntae! Eng'odia lolo lemeyieu neas siaai, entogolo lolo ootigilete ltauja, niretret loaachal tee seseni, ning'iriri too ltung'ana pooki.

2 Ltesalonike 2:16

Kore Laitoriani lang Yeso Kristo koon o Nkai Papa lang, ilo oacham iyioo, neitogolo iyioo ltauja ntarasi, neichoo iyioo siligi supat to nkoitiei e munyani,