Asat 2:46 - Samburu

⁴⁶ Kore mperot pooki, nepuonu ninche aatumo tee lning'o taatua nkaji e Nkai. Negil mukate e ndaa e Laitoriani taa nkang'itie enche te ng'ida o taa ltauja supati,

Asat 2:46 ပူးပေါင်းရင်းမြစ်များ

Matayo 6:22

<

Luka 11:41

Neaku naa enchoo laisinak nkichoorot inchi natii atua lkikompeni o ncharaan, naa kesupataki ntae mbaa pooki.

Luka 24:30

Kore etowuana ninye te misa aanya ndaa tenebo o ninche, nerrapu mukate, nemayian, negil, neicho ninche.

Luka 24:53

Newueni ta nkaji e Nkai nkata pooki errepita Nkai.

Asat 16:34

Neitidir nkaji enye, neitoomon aicho ndaa, neng'ida o nkang enye pooki tankaraki nairuko ꞉ninye o nkang enye Nkai.

Asat 2:42

Neibung ninche aitirrichaki nkiteng'ena ee Lkipaareta o nchula ee ltung'ana ooiruko Yeso o ngilata e mukate e ndaa e Laitoriani o nkomono.

Asat 20:7

Kore ta mparri e Jumapili, nikitumo tenebo aagil mukate e ndaa e Laitoriani. Neirorie ꞉Paulo ltung'ana, naa kore amu keyieu apa nelo teneikenyu, neitoodor nkiroroto ana metaa kiji kuarie.

Asat 3:1

Kore mparri nabo, neiliep Petero o Yoana aapuo nkaji e Nkai nkata e nkomono saai saal e mparkiji.

Asat 5:21

Kore payie ening ninche ana, nepuo etaa keikenyu aajing atua nkaji e Nkai, neiteng'enicho. Nelotu laitainoni kitok la lasar o lboitiei lenyena, neipotu Nkiguana ee larikok loo Lyiaudi, nereu ltung'ana jila meeyau lolo Kipaareta.

Asat 5:42

Kore mparri pooki taatua nkaji e Nkai o taa nkang'itie neitu epal ninche meiteng'enicho, nelikoo aajo kore Yeso naa ninye ilo Aitejeunoni oanyutae.

Rroman 12:8

Kore ilo oitogol lkulie, nchoo eitogol te inia kichooroto enye, naa kore ilo oichooyo, nchoo eichooyo ta ltau supat, kore ilo oitacheki lkulie ta nkanisa, nchoo eitacheki to nyuata, kore ilo oing'er, nchoo eing'er te ng'ida.

1 Lkorinto 10:16

Kore tinikimayian lkikompe lemayian nkata e ndaa e laitoriani, mara iking'arita lodo le Kristo te ilo kikompe? Naa kore tinikigil mukate nikinyia, mara iking'arita sesen le Kristo te inia mukate?

2 Lkorinto 1:12

Kore to nkop pooki aa oleng taatua ntae, ikitowuana ana ltung'ana supati ltauja o ana ltung'ana oong ana nayieu Nkai. Neitu kirukurukore inia najo ltung'ana le nkop ng'eno, kake munyani e Nkai kirukurukore. Ikiyielo taa ltauja lang aajo nejia etiu, naa inia ntoki niking'idare.

2 Lkorinto 11:3

Kore ana apa natasapa lasurai to loseg lenye Awa, kaurie ajo keitarruorri mparrunot inchi metaa mekure irara ltung'ana ooisiligai, lemeata ntioto to sotua oaata o Kristo.

Epeso 6:5

Kore aitoki ntae rrindiki, entining lkutuaa linchi to nkop, ta nkanyit kitok o te uriata, aaning katukul ana duaake ninkoko tinining'ining Kristo.

Lkolosae 3:22

Lorrindiki, entining lkutuaa linchi tana kop taa mbaa pooki, namara ake nkata nadolita ntae, eji atuwuana ltung'ana inting'idng'id, kake entining ninche taa ltauja supati iurierie Laitoriani.