Asat 19:22 - Samburu

²² Nereu Timoti o Erasito oara laretok lenyena oare nkop e Makedonia, nebik ninye peneu te inia kop e Asia.

Asat 19:22 ပူးပေါင်းရင်းမြစ်များ

Asat 13:5

Nepuonu lkerenket otii inie oji Salamis, nelikoo rerei le Nkai taatua Sinagogini ee Lyiaudi. Kore apa Yoana oitokini ajo Marko oara laisiaayiani lenche naa ketii tenebo.

Asat 16:1

Nebaya Paulo o Silas lkerenket le Derbe neitoki sii aapuo le Lisitira. Netii inie loiteng'eni oji Timoti, oara ng'otonye ntito ee Lyiaudi nairuko Yeso, nera papa lenye loo Lgirriki.

Asat 16:3

Naa kore amu keyieu apa Paulo nelo o Timoti, nemurat tankaraki Lyiaudi otii nenia bat, amu keyielo aajo kore papa lenye naa loo Lgirriki.

Asat 18:5

Kore payie edou Silas o Timoti te Makedonia, neirrachu Paulo eitayia koon aliki Lyiaudi sipat nchere kore Yeso naa ilo Aitejeunoni oanyutae oji Kristo.

Asat 19:10

Neas ana taa larin okuni metaa kore ltung'ana pooki otii inia kop e Asia, nening rerei la Laitoriani, peera Lyiaudi o Lgirriki.

Asat 19:21

Kore eicha kuna baa, nedung ꞉Paulo ta ltau lenye ajo kelo Yerusalem, aim nkop e Makedonia o ne Akayia. Nejo, <>

Asat 19:29

Neing'olng'ola ilo kerenket pooki, nejo lolo tung'ana dii aakuetiki inie netumoreki, neibung Gayo o Arisitarko ltung'ana le Makedonia ooirukurukore apa Paulo to lototo enye.

Asat 20:1

Kore payie eichunye inia ng'olng'ol neipotu ꞉Paulo lolo ooiruko Kristo. Nerreten neicho lesere neinyuototo alo nkop e Makedonia.

Asat 20:34

Iyielolo ntae aajo taa nkaik ainien maate aitaka koon o lboitieii lainien nenia nikiyieu.

Rroman 16:23

neiroroki ntae Gayo, ilo laa nkaji enye awuenie naa ta nkang enye sii etumo nkanisa pooki. Eiroroki ntae Erasito ilo oara laibung'ani loo ropiyiani e ele kerenket, neiroroki sii ntae lalache lang Kuarto.

2 Lkorinto 1:16

Amu katerretene apa payie aisabaki ntae aloito Makedonia, naterretene sii payie aimu ntae aing'uaa inie paa ntae likintanapnap nikirruayaya aloito Yudea.

2 Lkorinto 11:9

Naa kore apa atii tenebo o ntae, eitu hoo aaku nkirochi to ltung'ani obo, abaki mabore. Amu kore lalachera ootuo eing'uaa apa Makedonia, naa ninche laatereto aicho ntoki pooki naatong'orika. Naaku eitu apake aaku nkirochi taa ntae, namaaku aikata!

2 Lkorinto 2:13

kake nanyamalu oleng ta ltau lai tankaraki neitu ebau lalache lai Tito oata lomon linchi. Naicho taa ltung'ana lesere te inie, nainyuototo alo Makedonia.

2 Lkorinto 8:1

Kore naa taata lalachera o nkanachera ang, ikiyieu niyielouu inia munyani naichoo ꞉Nkai nkanisani e Makedonia o mbaa naataasa inia munyani e Nkai.

2 Lkorinto 8:19

Namara ake inia apeny, kake ketegelutua ninye nkanisani payie eirukurukore iyioo kinapita nenia nkichoorot e reto naatipikaki iyioo nkaik maing'ura, payie eisisi Laitoriani nedoli aajo ikiyieu nikiret ninche.

1 Ltesalonike 1:8

Amu kore rerei la Laitoriani, naa ketining'ie eing'uaa ntae, naa mara ake taa mbat e Makedonia o ne Akayia etining'ie, kake ketabayie nkurukoto inchi taatua Nkai ng'oji pooki, metaa meatae abaki mbae nayiere nikintoki iyioo aaponiki.

2 Timoti 4:20

Etowuana Erasito te lkerenket le Korinto, natung'ayie Toropimo emuai te lkerenket le Mileto.