Asat 19:17 - Samburu

¹⁷ Kore payie ening ꞉lolo pooki oaamanya Epeso inia, peera Lyiaudi o Lgirriki, neiput ꞉ngureticho, neisis nkarna e Laitoriani Yeso.

Asat 19:17 ပူးပေါင်းရင်းမြစ်များ

Luka 1:65

Nejing ngureticho atua inia latia enche pooki, neimakini nana baa ta mbata pooki nabore lowuan e Yudea.

Luka 7:16

Neguretu pooki, nerrep Nkai ejo, <>, naa <>

Asat 13:12

Kore payie edol ilo kitok inia nataase neiruk, neing'asia teinia naiteng'enaki naipirita Laitoriani.

Asat 18:19

Kore payie ebaya ninche Epeso neing'uaa Prisila o Akuila, nelo ninye ajing sinagogi neirorie Lyiaudi.

Asat 18:21

Neicho ninche lesere nejoki, <> Nedir meli te Epeso nelo Kaisaria.

Asat 19:1

Kore etii Apolos Korinto nelo Paulo Epeso tee nkejek aim nkoitiei naimaa ldonyuo, neirrachu teinie lkuti ooiteng'eni

Asat 19:16

Kore ilo tung'ani oata ilo airirua, neipirriki neidimu ninche, near oleng ana mekueta aaipung te inia aji meata nankan, era oleng.

Asat 19:18

Kore lkumo loo lolo ooiruko Yeso, nepuonu aalimu neibalunyie ntorrok pooki naataasa.

Asat 2:43

Neiput ngureticho pooki ng'ae, neasai mbaa e nking'asia, neitodolu Nkai nkitoo enye too Lkipaareta.

Asat 5:11

Nejing ngureticho kitok atua ltung'ana pooki le nkanisa o lolo pooki ootining'o kuna baa.

Asat 5:13

Nemeatae lkulikae ooiruko Yeso ooitieu aatoboitare Lkipaareta, abaki eichorita ꞉ltung'ana ninche nkanyit kitok.

Asat 5:5

Kore payie ening ꞉Anania kulo rereii, nenang nkop etundung'ie tau. Nejing ngureticho atua lolo pooki ooning'ito.

Lpilipi 1:20

Kore ntoki naanyuta naisiliguta sii oleng naa payie meatae ntoki naanyayie ꞉anyit. Naisilig ana chiaake naas maata ngureticho katukul ajo, kore to pooki naasai te sesen lai, o aichu o atua, netum Kristo rrepeta.

2 Ltesalonike 1:12

payie itumtum ntae aaisisa nkarna e Laitoriani lang Yeso, nerrepi ntae o ninye ana naichiaakino munyani e Nkai ang o ne Laitoriani Yeso Kristo.

2 Ltesalonike 3:1

Lalachera o nkanachera, kore nesiedi, entoomonoki iyioo mechomo rerei la Laitoriani kue asiooyo neyanyiti, ana netaasa apa taatua ntae.