Asat 18:27 - Samburu

²⁷ Kore payie ening lolo ooiruko Kristo aajo keyieu Apolos nelo Akayia, neretoo inia duaata enye, neigeroki looiteng'eni ootii inie mpalai payie eng'amaa ninye. Kore payie ebaya inie, nenyok aretu te munyani e Nkai lolo ooiruko Yeso.

Asat 18:27 ပူးပေါင်းရင်းမြစ်များ

Asat 1:15

Kore mparri nabo, neitache Petero taatua lalachera o nkanachera oaabaki ltung'ana ip nabo o tikitam, nejo,

Asat 11:26

kore payie etum, neya ninye Antiok. Netumore ninche nkanisa lari obo, neiteng'en ltung'ana kumo oleng. Naa ta Antiok apa eipotoki tekue looiteng'eni le Yeso aajo Le Kristo.

Asat 18:12

Kore era Galio larikoni kitok loo Rroman oitore nkop e Akayia, neinyuototo Lyiaudi tanaboicho aarare Paulo, neyau tekue nkiguana

Asat 18:18

Neitoki Paulo abik mperot kumo te Korinto tenebo o lkulie ooiruko Yeso. Kore payie eicho ninche lesere, nelo lkerenket oataaniki inie le Kenkerea nedung lpapit aitabaya mbae natudung'o apa ajo keas. Nedir meli alo nkop e Siria, nerubare Pirisila o Akuila.

Asat 19:1

Kore etii Apolos Korinto nelo Paulo Epeso tee nkejek aim nkoitiei naimaa ldonyuo, neirrachu teinie lkuti ooiteng'eni

Asat 9:27

Neyau ꞉Barnabas ninye netii lkipaareta, neliki ninche neikuna Saulo eloito to nkoitiei payie edol Laitoriani, o inia natiaka ꞉Laitoriani ninye. Neitoki aliki neikuna Saulo payie elikoo ta Damasikas meata ngureticho ta nkarna e Yeso.

Rroman 1:5

Laa te ninye kitang'amaitie iyioo munyani o nkitoo naata Lkipaareta lenyena, paa kore taatua lochon pooki lemeyielo Nkai, nikintaa ltung'ana metaa looning Nkai tankaraki nairuko Lomon Supati likilikorita, nerrepi nkarna e Nkai.

1 Lkorinto 15:10

Kake kara nanu ntoki nara tankaraki munyani e Nkai, naa kore inia munyani naaichoo Nkai, eitu eaku ne pecheu. Katonyua alang ninche pooki, naa mara nyuata ai nataasa inia, kake munyani e Nkai nati tenebo o nanu.

1 Lkorinto 16:3

Kore sii tanabau naa kaitanap lolo tung'ana meewaita Yerusalem nenia kichoorot o mpala naaimaki nenia ropiyiani.

1 Lkorinto 3:6

Katuuno nanu taatua ntae rerei le Nkai, nebukoki Apolos nkurukoto inchi nkare, kake Nkai naitubulua inia kurukoto.

2 Lkorinto 1:24

Amu mikinyokita aisimaki ntae embung'a nenia nirukuruk, tankaraki ikiyielo aajo itarrapate aitibiraki to nkurukoto. Kore iyioo naa ikiasicho tenebo o ntae payie iwuenini te ng'ida.

Lpilipi 1:25

Kore tankaraki natisipua ajo keisupat inia taa ntae, naa kayielo ajo kabik aichu, nawuon tenebo o ntae pooki payie ibululu, ning'idada to nkurukoto,

Lpilipi 1:29

Amu keichoo ntae Nkai munyani tankaraki Kristo, namara ake payie irukruk ninye kake payie itumtum sii sina tankaraki ninye.

Lkolosae 2:12

Kore ana muratare naa ketaase apa payie eipatisi ntae, nenukari ntae inia kata o ninye te nkipatisa, neitipiuni aitoki ntae o ninye aimu nkurukoto te inia golon e Nkai naitipiwua ninye too lootuata.

Lkolosae 4:10

Eiroroki sii ntae lboitiei lai Arisitarko oteenaki tenebo o nanu, o Marko apiyio le Barnabas oitaarriyianakaki apa ntae aajoki kore tanaa kelotu nitii, entang'amai!