Asat 17:4 - Samburu

⁴ Kore lbata loo Lyiaudi naa ketisiputua aajo kedede inia natejo ninye, nejing ꞉ninche mbata e Paulo o Silas, neitoki sii Lgirriki kumo oourie Nkai o ntomonok kumo kutuaa.

Asat 17:4 ပူးပေါင်းရင်းမြစ်များ

Yoana 7:35

Neipara larikok loo Lyiaudi aajokino, <

Asat 13:43

Kore payie esachari ltung'ana te inie, neirukurukore Lyiaudi kumo o lolo oourie Nkai oaatang'asutua aaibung nkurukoto ee Lyiaudi Paulo o Barnabas. Nereki aaliki ninche metowuana taatua munyani e Nkai.

Asat 13:50

Kake nepuo Lyiaudi aajoki ntomonok naayanyiti neurie Nkai o lkutuaa le ilo kerenket mbaa nainyoyie yieuna naitamie Paulo o Barnabas sina, nemiraa ninche to nkop enche.

Asat 14:1

Kore apa inia nataase ta Antiok naa keinyiaka sii aasai te Ikoniam. Ketijing'a Paulo o Barnabas atua Sinagogi ee Lyiaudi nelikoo payie eiruk ltung'ana kumo, Lyiaudi o Lgirriki.

Asat 14:4

Neoro ltung'ana le ilo kerenket aajing lbata mbata ee Lyiaudi, nejing lkulikae mbata ee Lkipaareta.

Asat 15:22

Kore lolo kipaareta o larikok, neng'amaa tenebo o nkanisa pooki payie eirruaaya lkulie lewa lenche Antiok tenebo o Paulo o Barnabas. Naa kore lolo lewa ootegeluaki naa Yudas ooitokini aajo Barsabas o Silas oaara larikok taatua lolo ooiruko Kristo.

Asat 15:27

Naaku naa ikirruaki ntae Yudas o Silas meotu alimu sipata too nkutukie enche ee kulo omon likingero.

Asat 15:32

Kore Yudas o Silas oaara loibonok le Nkai, neirorie lolo ooiruko Kristo aaitogol oleng.

Asat 15:40

negelu ꞉Paulo Silas. Kore payie epik ꞉lalachera o nkanachera ninye nkaina e Laitoriani meing'ura te munyani enye, nelo aaing'uaa inie.

Asat 16:3

Naa kore amu keyieu apa Paulo nelo o Timoti, nemurat tankaraki Lyiaudi otii nenia bat, amu keyielo aajo kore papa lenye naa loo Lgirriki.

Asat 17:10

Kore ake inia kuarie, neisigie ꞉le Kristo Paulo o Silas mechomo Berea. Kore payie ebaya inie, nepuo aajing atua Sinagogi.

Asat 17:12

Naaku keiruko Lyiaudi kumo o ntomonok naayanyiti ee Lgirriki o lpayiani kumo le ilo orere.

Asat 17:14

Kore ake inia kata neisigie ꞉lolo ooiruko Kristo Paulo mechomo ana metabaki nchepata e mpaso, kake neisiadu Silas o Timoti te Berea.

Asat 17:17

Naa kore te Sinagogi neimaki o Lyiaudi o ꞉lolo oourie Nkai lamara loo Lyiaudi, nemeata sii mparri neitu eimaki te nemirichiereki o ltung'ana ootumo teinie.

Asat 17:34

kake kore lbata loo lolo tung'ana nejing mbata e Paulo neiruk. Naa kore taatua lolo tung'ana netii Dionisio, oara lobo le inia kiguana naji Areopagas o ntomononi naji Damaris o lkulikae tung'ana.

Asat 18:4

Kore chiaake mparri pooki e Sabato, neiguana ninye o Lyiaudi o Lgirriki te Sinagogi enyok aiteyielo sipata naipirita ilo Aitejeunoni oji Kristo.

Asat 19:10

Neas ana taa larin okuni metaa kore ltung'ana pooki otii inia kop e Asia, nening rerei la Laitoriani, peera Lyiaudi o Lgirriki.

Asat 2:44

Kore lolo pooki ooiruko Yeso naa ketumo chiaake tenebo, neng'ar ntokitin pooki naata.

Asat 21:28

Nebuak aajo, <>

Asat 28:24

Neiruk ꞉lbata tankaraki rerei lenye, kake neany ꞉lkulie eiruk.

Asat 4:23

Kore payie elakuni Petero o Yoana, nechuko aapuo netii lboitieii lenche, neliki ntoki pooki natiakita ꞉laitainok kutuaa la lasar o lpayiani.

2 Lkorinto 8:5

Neas ninche nalang nikisiligita apa aajo keas, amu kore te yieuna e Nkai, ate etang'asa tekue aicho Laitoriani, neitoki aaicho iyioo.