Asat 17:23 - Samburu

²³ Naa kore aisabita tene aing'uraa nkitanyanyukot ee nkaitok, nadol abaki lperere la lasar oata lkigerot oojo, Kore naa inia ai nisaitata nimiyielolo naa kaliki taata ntae.

Asat 17:23 ပူးပေါင်းရင်းမြစ်များ

Matayo 15:9

Kaasai nanu pecheu, kake kore nkiteng'ena enche, naa noo nkitanapat naing'uaa ltung'ana.> >>

Yoana 17:25

Papa loosipat, kore abaki mikiyielo iyie nkop, kaayielo nanu, neyielo sii kulo aajo ikirriwua.

Yoana 17:3

Naa ana nkichon nemeiting nchere payie kiyielou ltung'ana, iyie Nkai nabo ake nadede, neyielou Yeso Kristo ilo lirriwua.

Yoana 4:22

Kore ntae Samaria, naa isaisai inia nimiyielolo kake kore iyioo, Lyiaudi naa ikisai inia nikiyielo, amu kore njeunoto naa iyioo eing'uaa.

Yoana 8:54

Newoliki ꞉Yeso ajoki, <

Asat 17:30

Kore apa tekue naa kewa ꞉Nkai ajo meyielo ltung'ana ninye, kake kore taata naa keitarrapita ltung'ana pooki to ng'oji pooki payie eirriidu ng'ok enche neibelekenyakino ninye.

Rroman 1:28

Naa kore amu eitu edol ninche aajo keichiaakino payie eata Nkai mpaach to mparrunot enche, neicho ꞉Nkai ninche meirukurukore mparrunot enche naatarroitie payie eas mbaa nemeichiaakino.

1 Lkorinto 1:21

Keirichakinete ltung'ana ng'eno enche, naaku eitu eyielou Nkai abaki etoduaa ng'eno enye. Neroyie Nkai achamaa aitejeu lolo ooiruk ninye aimu ana likoroto najo ltung'ana madai.

1 Lkorinto 8:5

Kore abaki eatae nenia tokitin naajo ltung'ana nkaitok enche, oaa te chumata anaa to nkop, naa kedede taa, keatae nkaitok o laitoriak kumo le sapare.

Epeso 2:12

Naa kore apa ntae te inia kata, miatata Kristo, nirara ltung'ana leiching'a lemeata nejo locho le Isirael, niminkenakinono lning'on le lekutuk le Nkai, nimiatata siligi nimiatata Nkai to nkop.

2 Ltesalonike 2:4

Kore ilo mang'antita naa keiliepie koon aiterepaa ntokitin pooki naaipoti aajo nkaitok o pooki toki nasaii, payie ewuon ninye to lorika ta nkaji e Nkai elikoo ajo kera Nkai.

1 Timoti 1:17

Metaa nkanyit o nkisisa ntarasi o ntarasi no Lkinkii loo ntarasi, ilo lemeye nemelioo laa ninye ake apeny Nkai, Aamin.

1 Yoana 5:20

Nikintoki aayielo aajo keyewuo Nkerai e Nkai, neichoo iyioo ning'unoto payie kindim aateyielo ninye oara odede. Naa ikitii atua ilo odede, atua Nkerai enye Yeso Kristo. Ninye naa Nkai nadede nera nkichon ee ntarasi.