Asat 15:39 - Samburu

³⁹ Nejing'u Paulo o Barnabas nchankar nairewua, neroyie aaoro. Nerik ꞉Barnabas Marko nepuo lkuran oji Saipiras te meli,

Asat 15:39 ပူးပေါင်းရင်းမြစ်များ

Asat 11:20

Kake kore lewa lbata loo lolo tung'ana ooing'uaa apa Saipiras o Kirene, oochomo Antiok, neng'asu aaliki ltung'ana loo Lgirriki Lomon Supati la Laitoriani Yeso.

Asat 12:12

Kore payie eyielou ninye ana, nelo nkaji e Maria ng'otonye Yoana oitokini aajo Marko, inie neotuo ltung'ana kumo aaomon tenebo.

Asat 15:2

Neichankarrare ꞉Paulo o Barnabas lolo tung'ana oleng. Negeluni Paulo o Barnabas tenebo o lkulie alachera meiliepa aapuo Yerusalem aayaki lkipaareta o lpayiani le nkanisa ana bae.

Asat 15:37

Naa keyieu apa Barnabas neya Yoana oitokini ajo Marko tenebo o ninche,

Asat 27:4

Kore payie kinyuototo teinie, nikijing atua mpaso, kake kore tankaraki nanang'are iyioo siwuo kitok, nikipuo aim mbata ilo kuran oji Saipiras nemekut siwuo kitok.

Asat 4:36

Netii apa ltung'ani la lmarei laa Lawi oing'uaa lkuran oji Saipiras, oji nkarna Yosep. Kejo apa ꞉lkipaareta ninye Barnabas, laa keji laitogoloni.

Asat 6:1

Kore eponunye looiteng'eni tee nenia perot, neichankarra Lyiaudi ooiro nkutuk ee Lgirriki o Lyiaudi ooiro nkutuk ee Lburania. Amu kore mperot pooki, naa keorokini ltung'ana ndaa, nejoito lolo ooiro nkutuk ee Lgirriki meichoritae aaitibiraki nkoilia enche ndaa.

Lkolosae 4:10

Eiroroki sii ntae lboitiei lai Arisitarko oteenaki tenebo o nanu, o Marko apiyio le Barnabas oitaarriyianakaki apa ntae aajoki kore tanaa kelotu nitii, entang'amai!

Yakobo 3:2

Amu kore tee iyioo pooki, ikias ake mbaa kumo naapong'o. Kake kore ilo lemeitopong tee rereii oojo, naa keisula neidim sii airrita koon too nkulie oito pooki.

1 Petero 5:13

Kore sii nkanisa natii Babilon, nategeluaki ana ntae, naa keiroroki ntae. Neiroroki sii ntae Marko oara nkerai ai.