Asat 14:5 - Samburu

⁵ Nenyok Lyiaudi o lolo kulie oreren o larikok lenche aaitam Lkipaareta sina nejo entar too soito metuata.

Asat 14:5 ပူးပေါင်းရင်းမြစ်များ

Matayo 5:44

Kake kajoki nanu ntae, entacham lmang'ati linchi, niomonokiki lolo ooitam ntae sina,

Luka 6:28

Entamayian lolo oodek ntae, niomonokiki lolo ooitam ntae sina.

Asat 13:45

Kake kore payie edol Lyiaudi inia kumoi ee ltung'ana, neiput ninche lom neng'asu aany lomon le Paulo ejo medede inia najoito esujuta ninye.

Asat 13:50

Kake nepuo Lyiaudi aajoki ntomonok naayanyiti neurie Nkai o lkutuaa le ilo kerenket mbaa nainyoyie yieuna naitamie Paulo o Barnabas sina, nemiraa ninche to nkop enche.

Asat 14:19

Nepuonu lkulikae Yiaudi ta Antiok o Ikoniam nerrepaki lolo tung'ana metara Barnabas o Paulo. Nenang Paulo aar too soito, neikurtutaa aaipung'ie taatua ilo kerenket ejo ketua.

Asat 14:2

Kake kore lolo Lyiaudi oaatanya eiruk, neinyoyie loreren meibaii looiruko Yeso.

Asat 14:4

Neoro ltung'ana le ilo kerenket aajing lbata mbata ee Lyiaudi, nejing lkulikae mbata ee Lkipaareta.

Asat 17:5

Neiput Lyiaudi lom, neipotu lkuti tung'ana torrok taatua lolo lemeitoki easita te inie. Naa kore payie eiturrurru ltung'ana, neing'olng'ol ilo kerenket. Nepuo aagil nkaji e Yason eing'oru Paulo o Silas taatua inie payie eya tekue ltung'ana.

2 Lkorinto 11:26

Kalo echi oleng nkopi kumo, naajo nkare iwa tee seriak, naajo lapurrok o ltung'ana lainien o loo lkulie oreren entar matua. Katumo ana tee lkerenketi o te lkees o ta mpaso, o taa lalachera le sapare.

1 Ltesalonike 2:14

Amu kore ntae lalachera o nkanachera, naa ititiwuana ana nenia anisani e Nkai naatii Yudea, naawueni taatua Kristo Yeso. Amu kore ake ilo sina /oitamita ꞉Lyiaudi nenia anisani, /neitamita sii ꞉ltung'ana lo locho linchi ntae.

1 Ltesalonike 2:16

amu kenyok aaibooyo iyioo payie mikirorie ltung'ana loo lkulie ochon metejeu. Naa keasai ana, payie eponari ng'ok enche aaboreii nkata pooki. Kake kore taata tesiedi, naa eyewuo ngoro e Nkai netii ninche.

1 Ltesalonike 2:2

Niyielolo sii aajo keitamaki apa iyioo sina neitaasaki iyioo mbaa e anyit te Pilipi. Kore abaki etiu nejia, naa ikiata apa mpijan ta Nkai aang nikimbalakinyie ntae Lomon Supati lenyena, abaki eatae ltung'ana ooibooyo iyioo oleng.