Asat 14:26 - Samburu

²⁶ Neitoki aapuo te inie te meli, nelang'aki Antiok e Siria. Naa te ilo kerenket apa etipikaki ninche nkaina e Nkai, meing'ura ninche to munyani enye payie etum aataas ilo siaai oidipa.

Asat 14:26 ပူးပေါင်းရင်းမြစ်များ

Asat 11:19

Kore apa lolo pooki oaatasachari aaisig tankaraki sina oitamitae looiruko Yeso, oatang'asua payie eri Sitepano metua, nepuo metabai nkop e Penisia o lkuran oji Saipiras o lkerenket le Antiok. Nemeatae hoo ltung'ani otilikita rerei le Nkai mara ake loo Lyiaudi.

Asat 11:20

Kake kore lewa lbata loo lolo tung'ana ooing'uaa apa Saipiras o Kirene, oochomo Antiok, neng'asu aaliki ltung'ana loo Lgirriki Lomon Supati la Laitoriani Yeso.

Asat 11:23

Kore payie ebaki ninye inie, nedol inia nataasa Nkai to munyani enye, neng'ida neitogol ninche pooki payie emut nabo taa ltauja lenche aawueni taatua Laitoriani.

Asat 11:26

kore payie etum, neya ninye Antiok. Netumore ninche nkanisa lari obo, neiteng'en ltung'ana kumo oleng. Naa ta Antiok apa eipotoki tekue looiteng'eni le Yeso aajo Le Kristo.

Asat 11:27

Kore tee nenia perot, nepuonu loibonok le Nkai ooing'uaa Yerusalem Antiok.

Asat 14:19

Nepuonu lkulikae Yiaudi ta Antiok o Ikoniam nerrepaki lolo tung'ana metara Barnabas o Paulo. Nenang Paulo aar too soito, neikurtutaa aaipung'ie taatua ilo kerenket ejo ketua.

Asat 14:21

Kore payie elikoo Paulo o Barnabas Lomon Supati te Derbe, neaku lkumo looiteng'eni, nechuko ninche aailiep aapuo Lisitira neitoki aapuo Ikoniam o Antiok e Pisidia.

Asat 14:23

Negelu ꞉Paulo o Barnabas larikok tee nenia anisani neen nkutukie aaomonoki, nepiki atua nkaina e Laitoriani ilo otipika ꞉lolo arikok nkurukoto.

Asat 15:22

Kore lolo kipaareta o larikok, neng'amaa tenebo o nkanisa pooki payie eirruaaya lkulie lewa lenche Antiok tenebo o Paulo o Barnabas. Naa kore lolo lewa ootegeluaki naa Yudas ooitokini aajo Barsabas o Silas oaara larikok taatua lolo ooiruko Kristo.

Asat 15:30

Nepalaa lolo tung'ana, neinyuototo aadoyio aapuo Antiok. Kore payie ebaki inie, neipotu ltung'ana pooki le nkanisa meotu tenebo neicho inia palai.

Asat 15:40

negelu ꞉Paulo Silas. Kore payie epik ꞉lalachera o nkanachera ninye nkaina e Laitoriani meing'ura te munyani enye, nelo aaing'uaa inie.

Asat 20:32

<

Rroman 15:19

o taa asat naaitodolu nkitoo enye o taa mbaa e nking'asia o to ngolon e Ltau Sinyati. Paa kore ang'asu te Yerusalem o lubot naanyikita ana metabaki mbata e Ilirikum, nalikoo Lomon Supati le Kristo to ng'oji pooki.

2 Lkorinto 1:12

Kore to nkop pooki aa oleng taatua ntae, ikitowuana ana ltung'ana supati ltauja o ana ltung'ana oong ana nayieu Nkai. Neitu kirukurukore inia najo ltung'ana le nkop ng'eno, kake munyani e Nkai kirukurukore. Ikiyielo taa ltauja lang aajo nejia etiu, naa inia ntoki niking'idare.

Lgalatia 2:11

Kore mparri nabo, payie elotu Kepa Antiok, naany mbaa enyena tekue ninye, amu keichiaakine ninye payie eiguanareki.

Lkolosae 1:25

Kataa nanu laisiaayiani le nkanisa. Naa kore naikuna paaku naa Nkai naichoo siaai maiteyielo ntae rerei lenye katukul.

Lkolosae 1:28

Ninye kilikoo, kintaarriyian nikinteng'en ltung'ani pooki te ng'eno pooki payie kintaa ltung'ani pooki metaa ltung'ani lemeata ntioto tekue Nkai taatua Kristo.

Lkolosae 4:17

Entiliki Arkipo aajoki, <>

2 Timoti 4:2

tilikoi rerei le Nkai. Tonyuaa tilikoi ta nkata naichiaakino o ta nkata nemeichiaakino, tobuaaki ltung'ana, ntaarriyiana, nintogol. Taasa kuna baa, te ng'iriata kitok ninteng'enicho mbaa pooki.