Asat 14:19 - Samburu

¹⁹ Nepuonu lkulikae Yiaudi ta Antiok o Ikoniam nerrepaki lolo tung'ana metara Barnabas o Paulo. Nenang Paulo aar too soito, neikurtutaa aaipung'ie taatua ilo kerenket ejo ketua.

Asat 14:19 ပူးပေါင်းရင်းမြစ်များ

Asat 13:14

Nelo Paulo o Barnabas te lkerenket le Perga oitokini sii aajo Antiok e Pisidia. Kore mparri e Sabato nepuo Sinagogi nejo siap aawueni.

Asat 13:45

Kake kore payie edol Lyiaudi inia kumoi ee ltung'ana, neiput ninche lom neng'asu aany lomon le Paulo ejo medede inia najoito esujuta ninye.

Asat 14:1

Kore apa inia nataase ta Antiok naa keinyiaka sii aasai te Ikoniam. Ketijing'a Paulo o Barnabas atua Sinagogi ee Lyiaudi nelikoo payie eiruk ltung'ana kumo, Lyiaudi o Lgirriki.

Asat 14:18

Kake kore abaki eirorie ꞉Paulo ninche aiko nejia, pecheu eibooitie lolo tung'ana eitu eitaki ninche lasar.

Asat 14:2

Kake kore lolo Lyiaudi oaatanya eiruk, neinyoyie loreren meibaii looiruko Yeso.

Asat 14:21

Kore payie elikoo Paulo o Barnabas Lomon Supati te Derbe, neaku lkumo looiteng'eni, nechuko ninche aailiep aapuo Lisitira neitoki aapuo Ikoniam o Antiok e Pisidia.

Asat 14:26

Neitoki aapuo te inie te meli, nelang'aki Antiok e Siria. Naa te ilo kerenket apa etipikaki ninche nkaina e Nkai, meing'ura ninche to munyani enye payie etum aataas ilo siaai oidipa.

Asat 14:4

Neoro ltung'ana le ilo kerenket aajing lbata mbata ee Lyiaudi, nejing lkulikae mbata ee Lkipaareta.

Asat 14:5

Nenyok Lyiaudi o lolo kulie oreren o larikok lenche aaitam Lkipaareta sina nejo entar too soito metuata.

Asat 15:26

ootipika ate nkue e larrabal tankaraki nkarna e Laitoriani lang Yeso Kristo.

Asat 17:13

Kore payie eitoki Lyiaudi le Tesalonike aayielou aajo ketilikoyie sii ꞉Paulo rerei le Nkai te Berea, nepuonu aainyoyie ltung'ana meeing'olng'olata teinie.

Asat 22:20

Naa kore abaki mparri nari Sitepano olikorita apa sipata ino, kaitacho nanu teinie atachamayie metari ninye metua, nairrita nankan e lolo oorita ninye.>

Asat 7:58

Neipung'unyie taatua ilo kerenket, neng'asu aanang too soito aar metua. Kore lolo tung'ana oata mbae nadung'okinyieki ninye nkiguana, neiteper nankan enche tankalo nkejek e ltung'ani obo lelerie oji Saulo.

Asat 9:16

Naa kaitodol nanu ninye newua sina laa meata ajo metum tankaraki nkarna ai.>>

1 Lkorinto 15:31

Lalachera o nkanachera ainien, kaatumuto mbaa naajo ewaita matua mparri pooki. Kajoito ana amu kang'idare ntae taatua Kristo Yeso Laitoriani lang.

2 Lkorinto 11:23

Kera ninche laisiaayiak le Kristo? Kore tanairo aiko nchi, naa kairorita ana lmadai. Kara laisiaayiani lenye alang ninche, natonyuaa aas siaai alang ninche. Kaateenaki te jila alang ninche, naaidong'oki alang ninche, natinyikaka nkatitin kumo lkiye.

2 Lkorinto 11:25

nkatitin uni aaidong'o Rroman naa nkata nabo aatejoki entar matua too soito. Nkatitin uni atidira melin neye amutmuta taatua mpaso. Kore nkata nabo namut nkuarie pooki o mparkiji te nkeper e nkare taatua mpaso nagut.

2 Lkorinto 11:26

Kalo echi oleng nkopi kumo, naajo nkare iwa tee seriak, naajo lapurrok o ltung'ana lainien o loo lkulie oreren entar matua. Katumo ana tee lkerenketi o te lkees o ta mpaso, o taa lalachera le sapare.

1 Ltesalonike 2:14

Amu kore ntae lalachera o nkanachera, naa ititiwuana ana nenia anisani e Nkai naatii Yudea, naawueni taatua Kristo Yeso. Amu kore ake ilo sina /oitamita ꞉Lyiaudi nenia anisani, /neitamita sii ꞉ltung'ana lo locho linchi ntae.