Asat 13:43 - Samburu

⁴³ Kore payie esachari ltung'ana te inie, neirukurukore Lyiaudi kumo o lolo oourie Nkai oaatang'asutua aaibung nkurukoto ee Lyiaudi Paulo o Barnabas. Nereki aaliki ninche metowuana taatua munyani e Nkai.

Asat 13:43 ပူးပေါင်းရင်းမြစ်များ

Matayo 23:15

Oi ntae laiteng'enak loo nkitanapat o Lparisayo ooitaakino! Injulolo ta mpaso o to nkop iyiayaya ltung'ani obo meibelekenyai aaku loo Lyiaudi. Naa kore payie eibelekenya, nintaa ninye nkerai e lmoti le nkima nkatitin are alang nitiuu ntae.

Asat 11:23

Kore payie ebaki ninye inie, nedol inia nataasa Nkai to munyani enye, neng'ida neitogol ninche pooki payie emut nabo taa ltauja lenche aawueni taatua Laitoriani.

Asat 13:50

Kake nepuo Lyiaudi aajoki ntomonok naayanyiti neurie Nkai o lkutuaa le ilo kerenket mbaa nainyoyie yieuna naitamie Paulo o Barnabas sina, nemiraa ninche to nkop enche.

Asat 14:22

Neitogol ninche ltauja loo lolo ooiteng'eni aarreten payie ewueni taatua inia nkurukoto ejoki, <>

Asat 14:3

Newueni Paulo o Barnabas teinie aajo rra elikoo Lomon Supati te mpijan, eirichakino Laitoriani. Neitodol Laitoriani ninche sipata ajo, kore rerei le munyani enye naa kedede aicho ngolon naasie taa nkaik enche nkitodolunot naaitodolu nkitoo enye o mbaa e nking'asia.

Asat 16:14

Kore nabo taatua ninche naa ntomononi naji Lidia naing'uaa lkerenket le Tiatira nera nkamirani ee nankan mugiein naagol nkinyang'a. Neurie ꞉ninye Nkai, nebol Laitoriani nkue enye metining'u lomon ojoito Paulo.

Asat 17:17

Naa kore te Sinagogi neimaki o Lyiaudi o ꞉lolo oourie Nkai lamara loo Lyiaudi, nemeata sii mparri neitu eimaki te nemirichiereki o ltung'ana ootumo teinie.

Asat 17:34

kake kore lbata loo lolo tung'ana nejing mbata e Paulo neiruk. Naa kore taatua lolo tung'ana netii Dionisio, oara lobo le inia kiguana naji Areopagas o ntomononi naji Damaris o lkulikae tung'ana.

Asat 17:4

Kore lbata loo Lyiaudi naa ketisiputua aajo kedede inia natejo ninye, nejing ꞉ninche mbata e Paulo o Silas, neitoki sii Lgirriki kumo oourie Nkai o ntomonok kumo kutuaa.

Asat 18:7

Neinyuototo Paulo aing'uaa ninche nelo nkaji e ltung'ani oji Tito Yusuto oourie Nkai, oibung'are nkaji enye sinagogi.

Asat 2:10

o Paragia o Pampilia netii looing'uaa Misiri o mbat e Libia naanyikita lkerenket le Kirene, o lomon ooing'uaa Rrom, aa Lyiaudi o lolo oaataa Lyiaudi.

Asat 28:23

Negelu mparri natumore Paulo, naa kore inia parri, nepuonu inia aji natii ninye era kumo alang idia mparri naatuo apa. Kore ang'asu tasiran ana memuto, neliki lomon le nkitoria e Nkai, eliki sipata ee mbaa e nkitoria e Nkai. Kore easichere mbukuii ee nkitanapat e Musa o mbukuii ee loibonok le Nkai, nenyok aliki metining'u neiruk ninche aajo kore lomon ooipirita Yeso naa kedede.

Asat 6:5

Neiting'id ilo turrur pooki inia wolet. Negelu Sitepano, ltung'ani obore nkurukoto o Ltau Sinyati, o Pilipo o Porokoro o Nikanor o Timon o Parmenas o Nikolas oing'uaa lkerenket le Antiok, oibelekenye apa aaku le nkurukoto ee Lyiaudi.

Rroman 11:6

Naa tanaa te munyani etegelua naaku meirichakino ngelunoto e ltung'ani asat enyena, amu tanaa nejia, naa meitoki naa munyani ara munyani.

Rroman 3:24

naa keitaa ꞉Nkai ltung'ani loosipat pecheu to munyani enye tankaraki ketalakua ninche ꞉Kristo Yeso.

Rroman 5:2

Ketoboloka iyioo Yeso Kristo nkoitiei nikibakinyie to nkurukoto ana munyani nikitii taata atua, niking'idare siligi le nkitoo e Nkai likitum.

Rroman 5:21

metaa kore ana neikuna ng'ok payie eng'asu aaitoricho neyau lkiye, neitoricho sii munyani to nkoitiei e sipata nayau nkichon ee ntarasi aimu Yeso Kristo Laitoriani lang.

2 Lkorinto 5:11

Kore tankaraki nikiyielo aajo keichiaakino payie eurieini Laitoriani, naaku ikinyok aasai ltung'ana meeiruko lomon lang. Keyielo Nkai iyioo katukul ajo oong'ae kira, nayieu sii niyielouu ntae taa ltauja linchi nikitiu.

2 Lkorinto 6:1

Kore kiasicho tenebo o Nkai, ikintaarriyian ntae payie meaku munyani e Nkai nitang'amaitie ne pecheu.

Lgalatia 5:1

Naa ketalakua iyioo Kristo payie kibik taatua inia lakunoto. Kore tankaraki inia, entacho katukul, emirrinyokino aitoki enet e rrindikicho.

Lgalatia 5:4

Etoorieki ntae Kristo, ntae oonyok aayiaya meikenakini sipat to nkoitiei ee nkitanapat. Iterriate, nilamlam munyani e Nkai.

Epeso 2:8

Amu eitejewua ntae Nkai te munyani enye to nkoitiei e nkurukoto, namara ntae eing'uaa inia kake nkichooroto naichoo ninye ntae pecheu,

Lpilipi 3:16

Kore nayiere naa tinikipuo kue kimbung inia nikindipa aateyielo.

Lpilipi 4:1

Kore naa lalachera o nkanachera ainien nacham oleng nayieu nadol, ikinting'iding'id naa kaikarrie nanu ntae! Entacho katukul taatua Laitoriani, sotuatin lainien, imbungbung inia natiaaka ntae.

Lkolosae 1:23

Keasai inia tanaa intachoo ake taatua nkurukoto ang aaitirrichaki, nimingusgus, nimiwuangwuang aaing'uaa siligi oicho ntae lolo Omon Supati litining'o. Kore lolo Omon Supati naa ketilikoyieki apa aaliki ltung'ana pooki otii nkop, naa kore nanu Paulo nataa laisiaayiani loo lolo Omon Supati.

Lkolosae 1:28

Ninye kilikoo, kintaarriyian nikinteng'en ltung'ani pooki te ng'eno pooki payie kintaa ltung'ani pooki metaa ltung'ani lemeata ntioto tekue Nkai taatua Kristo.

Tito 2:11

Amu /keibalunyieki munyani e Nkai, payie eyau njeunoto ee ltung'ana pooki.

Lburania 12:15

Entodol payie meti ake ltung'ani lemeikenakini munyani e Nkai, niminchocho ebulu ntanai torno e mion e ngoro naitanyamalicho, nerroyo ltung'ana kumo ta sayiet enye.

Lburania 13:9

Emincho eitopong'oo ntae mbaa kumo naapaachere nkiteng'ena ang. Keichiaakino metaa munyani e Nkai etumie ltauja lang ngolon, mara nkibung'ata ee nkitanapat naaipirita ndaa nemeret abaki lolo ooirukurukore nenia kitanapat.

1 Petero 5:12

Kaigeroka ntae ana palai dorrop aretito Silas, lalache laiken ajo kera lalache oisiligai. Kaigero aitaarriyian ntae nalimu sipata ajo munyani nadede e Nkai ana. Entacho naa teinia munyani!

2 Petero 3:14

Naaku naa lacham lainien, kore ianyutata nenia, entonyok payie etumi ntae iatata sotua o Nkai, miatata ntoki nakurrieki ntae nimiatata ntioto.

1 Yoana 2:28

Nakera! Kore taata, entibik taatua ninye, paa kore teneibalunyieki, nikintieu aitacho tekue ninye, nemenya iyioo anyit to lotunoto enye.

2 Yoana 1:9

Kore pooki ng'ae olo kue nemewuon taatua nkiteng'ena e Kristo naa meata Nkai. Kake kore pooki owuon taatua inia kiteng'ena naa keata ꞉ninye Papa o Nkerai.