Asat 13:29 - Samburu

²⁹ Kore payie eidip aaitabai nenia pooki naaigeroki naaipirita ninye, neitodou sesen lenye to lmusalaba, nepuo aiteper to nkurarei.

Asat 13:29 ပူးပေါင်းရင်းမြစ်များ

Marko 15:42

Kore tankaraki nataa teipa e inia parri e napa, eikienyu eaku mparri e Sabato, neinapnapaki Yosep le Arimataya Pilato neomonu sesen le Yeso. Kore apa ninye naa ltung'ani le nkanyit, nera lobo lo lkiama laa larikok loo Lyiaudi, neanyita sii ninye Nkitoria e Nkai.

Luka 23:50

Keatae apa ltung'ani obo oji nkarna Yosep, oing'uaa lkerenket loo Lyiaudi oji Arimataya. Kera lobo loo lkiama, naa supat nera loosipat. Neitu echamaa inia apa nayieu ꞉ninche o asata enche. Naa keanyuta nkitoria e Nkai.

Luka 23:53

Neitodou to lmusalaba, neirinaki nanka supat napuyiapui, neiteper to nkurarei nateguetuaki to soit, neitu aikata eiteperieki ltung'ani.

Luka 24:44

Nejoki ninche, <>

Yoana 19:28

Kore payie eidipai inia, eyielo Yeso ajo eidipate mbaa pooki, nejo ana payie ebaya Lkigerot, <>

Yoana 19:30

Kore payie eichamcham ꞉Yeso inia aichuo nejo, <> Neirrig nkue enye, neichooyo nkichui enye.

Asat 13:27

Kore lolo tung'ana oaamanya apa Yerusalem o lkutuaa lenche, naa eitu eyielou aajo ng'ae Yeso, kake kore payie edung'oki nkiguana e lkiye naa keitabaitie rerei lo loibonok le Nkai ooisomi chiaake te mparri e Sabato.

Asat 2:23

Kore nataase te ele tung'ani naa inia apake nategelua Nkai te yieunoto enye. Ketipikaki ninye nkaik inchi, ninchocho lolo oreren lamara loo Lyiaudi meteche to lmusalaba near metua.

Asat 26:22

Kake kore ana metabaki ana parri naa Nkai naairrita, naa kaitache taata tene alimu sipata tekue lkunini o lkutuaa, meatae nkae nalimu mara inia natejo Musa o loibonok le Nkai keasai.

Asat 4:28

Ketaasa ninche ana payie ebaya nitegelua apake iyie to golon o yieuna ino.

Asat 5:30

Kore Nkai ee akui lang naa keitipiwua Yeso taatua lootuata, ilo apa litecho metua to lmusalaba.

1 Lkorinto 15:4

Netunukayieki, neitipiuni too lootuata ta mparri e uni ana naigero too Lkigerot Sinyat.