Asat 11:19 - Samburu

¹⁹ Kore apa lolo pooki oaatasachari aaisig tankaraki sina oitamitae looiruko Yeso, oatang'asua payie eri Sitepano metua, nepuo metabai nkop e Penisia o lkuran oji Saipiras o lkerenket le Antiok. Nemeatae hoo ltung'ani otilikita rerei le Nkai mara ake loo Lyiaudi.

Asat 11:19 ပူးပေါင်းရင်းမြစ်များ

Matayo 10:6

kake enchom ake netii nkerra naaiminaitie e locho le Isirael.

Yoana 7:35

Neipara larikok loo Lyiaudi aajokino, <

Asat 11:20

Kake kore lewa lbata loo lolo tung'ana ooing'uaa apa Saipiras o Kirene, oochomo Antiok, neng'asu aaliki ltung'ana loo Lgirriki Lomon Supati la Laitoriani Yeso.

Asat 11:22

Kore payie ebaki ele rerei nkanisa natii Yerusalem, neirruaaya ꞉ninche Barnabas mechomo Antiok.

Asat 13:1

Kore apa ta nkanisa e Antiok naa keatae loibonok le Nkai o laiteng'enak aa Barnabas o Simion oji Lorok o Lusio lo lkerenket oji Kirene o Saulo o Manaen otubulua tenebo o Erode oara apa larikoni le Galilaya.

Asat 13:4

Kore naa payie eirruaaya ꞉Ltau Sinyati Barnabas o Saulo, nedoyio aapuo lkerenket le Seleusia, neitoki aapuo te meli lkuran oji Saipiras.

Asat 13:46

Kake nejoki ꞉Paulo o Barnabas ninche meata ngureticho, <

Asat 14:26

Neitoki aapuo te inie te meli, nelang'aki Antiok e Siria. Naa te ilo kerenket apa etipikaki ninche nkaina e Nkai, meing'ura ninche to munyani enye payie etum aataas ilo siaai oidipa.

Asat 15:22

Kore lolo kipaareta o larikok, neng'amaa tenebo o nkanisa pooki payie eirruaaya lkulie lewa lenche Antiok tenebo o Paulo o Barnabas. Naa kore lolo lewa ootegeluaki naa Yudas ooitokini aajo Barsabas o Silas oaara larikok taatua lolo ooiruko Kristo.

Asat 15:3

Neitanap ninche ꞉nkanisa mechomo, kore eimaa nkop e Penisia o ne Samaria, nenyaki looiteng'eni otii inie neikuna lkulie oreren payie eibelekenya aairukurukore Yeso. Neng'ida lalachera pooki oleng tana.

Asat 15:30

Nepalaa lolo tung'ana, neinyuototo aadoyio aapuo Antiok. Kore payie ebaki inie, neipotu ltung'ana pooki le nkanisa meotu tenebo neicho inia palai.

Asat 15:35

Kake kore Paulo o Barnabas newueni ta Antiok eiteng'enicho nelikoo rerei la Laitoriani tenebo o lkulie tung'ana kumo.

Asat 15:39

Nejing'u Paulo o Barnabas nchankar nairewua, neroyie aaoro. Nerik ꞉Barnabas Marko nepuo lkuran oji Saipiras te meli,

Asat 18:22

Kore payie ebaya Kaisaria, neiliep alo Yerusalem airoroki nkanisa, neitoki adoyio alo Antiok.

Asat 21:16

Nepuonu lbata loo lolo ooiteng'eni te Kaisaria tenebo iyioo, nerik iyioo matewueni ta nkaji e Nason. Kore apa ninye naa ltung'ani oing'uaa Saipiras, nera lobo loo looiteng'eni ooiruko tekue.

Asat 21:2

Kore payie kirrachu meli naloito alang'aki nkop e Penisia, nikidir nikipuo.

Asat 3:26

Ntae apa lekue ooterewaka ꞉Nkai ilo aisiaayiani lenye oipung'okinyie ntae payie emayian ntae. Naa kemayian ntae aiwuatuwuat pooki ng'ae metung'ai ntorrok enyena.>>

Asat 4:36

Netii apa ltung'ani la lmarei laa Lawi oing'uaa lkuran oji Saipiras, oji nkarna Yosep. Kejo apa ꞉lkipaareta ninye Barnabas, laa keji laitogoloni.

Asat 6:5

Neiting'id ilo turrur pooki inia wolet. Negelu Sitepano, ltung'ani obore nkurukoto o Ltau Sinyati, o Pilipo o Porokoro o Nikanor o Timon o Parmenas o Nikolas oing'uaa lkerenket le Antiok, oibelekenye apa aaku le nkurukoto ee Lyiaudi.

Lgalatia 2:11

Kore mparri nabo, payie elotu Kepa Antiok, naany mbaa enyena tekue ninye, amu keichiaakine ninye payie eiguanareki.