3 Yoana 1:11 - Samburu

¹¹ Lacham lai, miduaaya ntokitin torrok kake toduai supati. Kore ilo oas supati naa le Nkai naa kore ilo oas ntorrok naa eitu eyielou ꞉ninye Nkai.

3 Yoana 1:11 ပူးပေါင်းရင်းမြစ်များ

Yoana 10:27

Kore nkerra ainien naa kening ltoilo lai, nayielo ninche, naa kaairukurukore nanu.

Yoana 12:26

Kore ꞉pooki ng'ae laaisiaai nanu, nchoo sii elo kue airukurukore nanu, payie eaku kore natii nanu netii sii laisiaayiani lai. Kore ꞉pooki ng'ae laaisiaai nanu, naa keicho ꞉Nkai nkanyit.

Yoana 3:20

Amu kore pooki oasita ntorrok naa keiba wong'an, nemeipung'oki ninche wong'an, amu meyieu neibalunyieki asat enche torrok.

1 Lkorinto 11:1

Entoduaayieki ana payie aduaaya nanu Kristo.

1 Lkorinto 4:16

Naaku kaitanap ntae entoduaayieki,

Epeso 5:1

Naaku taa, entaa ꞉ltung'ana ooduaaya Nkai, tankaraki nirara nkera enyena naacham oleng.

Lpilipi 3:17

Lalachera o nkanachera ainien, Entoduaayieki nanu pooki, ning'orng'or oleng lolo ooirukurukore nikinkunari iyioo taatua nkichon.

1 Ltesalonike 1:6

Naa itang'asutua apa ntae aairukurukore te nkichon inchi nkoitiei ang o ne Laitoriani. Amu kore abaki iatata sina kitok, naa itang'amaitie rerei te ng'ida naing'uaa Ltau Sinyati,

1 Ltesalonike 2:14

Amu kore ntae lalachera o nkanachera, naa ititiwuana ana nenia anisani e Nkai naatii Yudea, naawueni taatua Kristo Yeso. Amu kore ake ilo sina /oitamita ꞉Lyiaudi nenia anisani, /neitamita sii ꞉ltung'ana lo locho linchi ntae.

2 Timoti 3:10

Timoti, kore aaitamitae sina naatumuto mbaa naagol te lkerenket le Antiok o le Ikoniam o le Lisitira, naa ikirukurukore ake iyie nanu, iduaaya nkiteng'ena ai niduaaya naikunari o nyuata ai o nkurukoto o ng'iriata o nchaman o nkitachoto ai. Kalo sina sa eitu ang'iri? Kake kore eyia, kaatalakua ꞉Laitoriani taatua pooki.

Lburania 6:12

Mikiyieu niakuku ltung'ana oaachal, kake ikiyieu payie iduaayaya lolo laa kore to nkurukoto o te ng'iriata, naa ketum inia naitayia ꞉Nkai lekutuk ajo keicho ninche.

1 Petero 3:11

Keyiere payie meitoki aas ntorrok, kake payie eas supati, neyiaya seriani, nenyok aing'oru.

1 Petero 3:13

Amaa, ng'ae sa oitaas ntae ntorno, tanaa inyoknyok aas supati?

1 Yoana 2:29

Kore tanaa iyielolo aajo kera ninye lopeny sipat, iyielolo sii aajo kore pooki oas sipata naa ꞉ninye otiiwua.

1 Yoana 3:10

Naa ana eyielounyieki nkera e Nkai o ne Chitani: kore pooki ng'ae lemeas sipat nemecham lalache lenye, naa mara le Nkai.

1 Yoana 4:1

Lacham lainien, emiiruk ltau pooki, kake entisipu ltauja payie iyielouu tanaa Nkai eing'uaa, amu ketijing'a nkop ꞉loibonok kumo le sapare.