2 Timoti 4:3 - Samburu

³ Amu kelotu kenya nkata nemeidimare ltung'ana nkiteng'ena nadede. Kore neas ninche, naa ng'uarrat enche erubare neiturrurroki ate laiteng'enak oojo mbaa naayieu nkiyiaa enche nening.

2 Timoti 4:3 ပူးပေါင်းရင်းမြစ်များ

Luka 20:19

Kore laiteng'enak loo nkitanapat o lkutuaa laa laitainok la lasar, neyiaya aibung ninye inia kata tankaraki keyielo aajo, kore ana kitanyanyukoto naa ninche eipirita. Kake neuriei ltung'ana.

Luka 6:26

Oi ntae tenerrep ntae ltung'ana pooki, amu nejia apa eikuna ꞉loominyi loibonok le sapare.

Yoana 8:45

Kake kore tankaraki sipata alikita ntae, naa inia payie mikirukuruk.

Asat 17:21

Kore apa lolo tung'ana le Aten o lolo leiching'a, naa kecham aaimaki lomon ng'ejuko, neinining, nemeitoki eas.

1 Lkorinto 2:1

Kore sii apa nanu payie alotu nitii lalachera o nkanachera ainien, eitu aliki ntae inia dedei e Nkai naisudoro apa eji atuwuana laiguanani oisul pooki ara, naisul sii te ng'eno.

1 Lkorinto 2:4

Mara ng'eno ai naichoo ntae iruko, kake rerei lai o likoroto ai nataasa inia to ngolon e Ltau Sinyati,

Lgalatia 4:16

Amaa, kataa naa lmang'antita linchi, tanaliki ntae ndedei?

1 Timoti 1:10

Neitayiaki sii tankaraki ltung'ana oaas loloito o lewa oaas loloito o lkulie lewa o loomir ltung'ana metaa rrindiki o lolo oaasapicho o lolo oaanya lmumai le sapare o nkae toki pooki napaachere nkiteng'ena nadede.

2 Timoti 1:13

Mbung'a naa ilo rerei odede litining'o alikoo, metaa ninye iduaaya to nkurukoto o te nchaman natii atua Kristo Yeso.

Yuda 1:18

Amu ketiakita ntae, <>